କକ୍ରୋଚ୍ ଜନତା ପାର୍ଟିକୁ ନେଇ ଚାଲିଥିବା ବିବାଦ ଏବେ ସୁପ୍ରିମକୋର୍ଟରେ ପହଞ୍ଚିଛି । ସଂଗଠନର କାର୍ଯ୍ୟକଳାପ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ପାଇଁ ସୁପ୍ରିମକୋର୍ଟରେ ଏକ ଜନସ୍ୱାର୍ଥ ମାମଲା (ପିଆଇଏଲ୍) ଦାୟର କରାଯାଇଛି। ଏ ନେଇ ଏଏଫଆଇଆର ଦାୟର ସିବିଆଇ ଦ୍ୱାରା ତଦନ୍ତ କରାଇବା ଲାଗି ଦାବି କରାଯାଇଛି ।

ନକଲି ଆଇନ ଡିଗ୍ରିର ବ୍ୟବହାର ଓ ସର୍ବୋଚ୍ଚ ନ୍ୟାୟାଳୟର ପ୍ରତିଷ୍ଠାକୁ ହାନି ପହଞ୍ଚାଇବା ଆଦି ଅଭିଯୋଗ ରହିଛି। ସମ୍ପୃକ୍ତ ବ୍ୟକ୍ତିମାନେ ନିଜକୁ ଆଇନଜୀବୀ ବୋଲି ମିଥ୍ୟା ପରିଚୟ ଦେଇ ଜନସାଧାରଣଙ୍କୁ ଭ୍ରମିତ କରିଛନ୍ତି ଓ ନ୍ୟାୟିକ ପ୍ରକ୍ରିୟାର ବିଶ୍ୱସନୀୟତାକୁ ଆଘାତ ଦେଇଛନ୍ତି। କେନ୍ଦ୍ର ସରକାରଙ୍କ ନିର୍ଦ୍ଦେଶରେ ସିଜେପିର ଆଧିକାରିକ ‘ଏକ୍ସ’ ହ୍ୟାଣ୍ଡଲ୍‌କୁ ଭାରତରେ ପ୍ରତିବନ୍ଧିତ କରାଯାଇଛି। ଗୁଇନ୍ଦା ସଂସ୍ଥାମାନଙ୍କ ଅଭିଯୋଗ ଅନୁଯାୟୀ, ସିଜେପି ଦେଶର ଯୁବବର୍ଗଙ୍କୁ ସରକାର ବିରୋଧରେ ମତାଇବାକୁ ଯୋଜନାବଦ୍ଧ ଉଦ୍ୟମ କରୁଥିଲା ଓ ଦେଶର ସାର୍ବଭୌମତ୍ବକୁ ଚ୍ୟାଲେଞ୍ଜ କରୁଥିଲା।

ଜନସ୍ୱାର୍ଥ ମାମଲା (ପିଆଇଏଲ୍)ରେ ଅଭିଯୋଗ କରାଯାଇଛି କି ଆତ୍ମଘୋଷିତ ରାଜନୈତିକ ସଂଗଠନ ସୁପ୍ରିମକୋର୍ଟଙ୍କ ମୌଖିକ ଟିପ୍ପଣୀକୁ ଭୁଲ ଭାବେ ବ୍ୟବହାର କରାଯାଇଛି । ଏହା ବ୍ୟବସାୟିକ ଲାଭ ଉଠାଇବାକୁ ଚେଷ୍ଟ କରୁଛି । ତେଣୁ ଏହି ମାମଲାରେ ସ୍ୱତନ୍ତ୍ର ତଦନ୍ତ କରାଯିବା ଜରୁରି । ଆବେଦନରେ କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) ସମେତ ଏହି ମାମଲାର ଏକ ସ୍ୱାଧୀନ ତଦନ୍ତ ଏବଂ କଥିତ ନକଲି ଓକିଲ ଏବଂ ଆଇନ ବୃତ୍ତିରେ ନକଲି ଡିଗ୍ରୀଧାରୀମାନଙ୍କ ବିରୋଧରେ ତଦନ୍ତ ପାଇଁ ଦାବି କରାଯାଇଛି ।

ଗତ ସପ୍ତାହରେ ଜେନ୍-ଜି ଯୁବମାନଙ୍କ ମଧ୍ୟରେ ଏହା ବିଶେଷ ଭାବରେ ଭାଇରାଲ୍ ହୋଇଥିଲା। କଟକଣା ଲଗାଯିବା ପରେ, ଅଭିଜିତ ଦୀପକେ ‘କକ୍ରୋଚ୍ ଇଜ୍ ବ୍ୟାକ୍’ ନାମରେ ନୂତନ ହ୍ୟାଣ୍ଡଲ୍ ଆରମ୍ଭ କରିଥିଲେ ଓ ସମର୍ଥକମାନଙ୍କୁ ଏଥିରେ ଯୋଗଦେବାକୁ ଆହ୍ୱାନ କରିଥିଲେ। ଅଭିଜିତଙ୍କ ଅଭିଯୋଗ ହେଉଛି, ସରକାରୀ ହସ୍ତକ୍ଷେପ ପରେ ଅନେକ ଆକାଉଣ୍ଟ୍‌ ହଟାଯାଇଛି। ଏବେ ସଂଗଠନର କୌଣସି ସୋସିଆଲ୍ ମିଡିଆ ଆକାଉଣ୍ଟ୍‌କୁ ପହଞ୍ଚ ନାହିଁ। ତାଙ୍କ ବ୍ୟକ୍ତିଗତ ଇନ୍‌ଷ୍ଟାଗ୍ରାମ୍ ଆକାଉଣ୍ଟ୍‌କୁ ମଧ୍ୟ ହ୍ୟାକ୍ କରାଯାଇଛି।

Powered by Froala Editor