ଭିନ୍ନ ପ୍ରକାର ସମସ୍ୟା ସାମ୍ନା କରୁଛନ୍ତି ଚୀନର ବିଭିନ୍ନ ବିଶ୍ୱବିଦ୍ୟାଳୟରେ ପାଠପଢ଼ୁଥିବା ଭାରତୀୟ ଛାତ୍ରଛାତ୍ରୀ
ନୂଆଦିଲ୍ଲୀ : ଚୀନର ବିଭିନ୍ନ ବିଶ୍ୱବିଦ୍ୟାଳୟରେ ପାଠପଢ଼ୁଥିବା ଭାରତୀୟ ଛାତ୍ରଛାତ୍ରୀମାନେ ଏକ ଭିନ୍ନ ପ୍ରକାର ସମସ୍ୟା ସାମ୍ନା କରୁଛନ୍ତି । ଚୀନର ଯେଉଁ ସବୁ ଆପକୁ ଭାରତ ସରକାର ନିଷିଦ୍ଧ ଘୋଷଣା କରିଛନ୍ତି, ସେଗୁଡ଼ିକ ଡାଉନଲୋଡ କରିବା ଲାଗି ଚୀନ ତରଫରୁ ଛାତ୍ରଛାତ୍ରୀଙ୍କୁ ବାଧ୍ୟ କରାଯାଉଥିବା ଜଣାପଡ଼ିଛି । ଅନଲାଇନରେ ପ୍ରାୟ ୨୩ ହଜାର ଛାତ୍ରଛାତ୍ରୀ ଚୀନର ବିଭିନ୍ନ ବିଶ୍ୱ ବିଦ୍ୟାଳୟରେ ପାଠ ପଢ଼ୁଛନ୍ତି । ସେମାନଙ୍କ ମଧ୍ୟରୁ ପ୍ରାୟ ୨୦ ହଜାର ଛାତ୍ରଛାତ୍ରୀ ଡାକ୍ତରୀ ପାଠ ପଢ଼ୁଛନ୍ତି ଗତବର୍ଷ ଲଦାଖର ଗଲୱାନ ଘାଟିରେ ଚୀନ ସେନା ସହ ଘଟିଥିବା ସଂଘର୍ଷରେ ୨୦ ଭାରତୀୟ ଯବାନ ସହିଦ ହେବା ପରେ ଅର୍ଥନୈତିକ କାର୍ଯ୍ୟାନୁଷ୍ଠାନ ସ୍ୱରୂପ ଭାରତ ସରକାର ଚୀନର ପ୍ରାୟ ୨୫୦ଟି ଆପକୁ ନିଷିଦ୍ଧ ଘୋଷଣା କରିଥିଲେ । ଟିକଟକ ଭଳି ଲୋକପି୍ରୟ ଆପ ଡାଉନ ଲୋଡ କରିବା ଲାଗି ଚାପ ପକାଉଛନ୍ତି ବୋଲି ଭାରତୀୟ ଛାତ୍ରଛାତ୍ରୀମାନେ ଅଭିଯୋଗ କରିଛନ୍ତି । ପାଠପଢ଼ା ଜାରି ରଖିବାକୁ ହେଲେ ନିଷିଦ୍ଧ ଆପ ଡାଉନଲୋଡ କରିବା ଜରୁରୀ ବୋଲି ବିଶ୍ୱ ବିଦ୍ୟାଳୟଗୁଡ଼ିକ କହୁଛନ୍ତି । ଚୀନର ଅଧିକାଂଶ ବିଶ୍ୱ ବିଦ୍ୟାଳୟ ୱିଚାଟ, ଡିଙ୍ଗଟକ ଓ ସୁପରଷ୍ଟାର ଏବଂ ଟେନସେଣ୍ଟ କମ୍ପାନୀର ଭିଡିଓ ଚାଟ ଆପକୁ ବ୍ୟବହାର କରୁଛନ୍ତି ।
Powered by Froala Editor
