କାନ୍ଥ ଭୁଶୁଡି ଚାଲିଗଲା ୧୭ ଜୀବନ
ମୁମ୍ବାଇ: ମହାରାଷ୍ଟ୍ରର ଚେମ୍ବରର ଭରତ ନଗର ଏ ବିକ୍ରୋଲି ଅଞ୍ଚଳରେ କାନ୍ଥ ଭୁଶୁଡି ଚାଲିଗଲା ୧୭ ଜୀବନ । ଦୁର୍ଘଟଣାରେ ଏ ପର୍ୟ୍ୟନ୍ତ ୧୯ ଜଣଙ୍କୁ ଉଦ୍ଧାର କରାଯାଇଥିବାବେଳେ ଅନେକ ଲୋକ ଫସି ରହିଥିବା ଅନୁମାନ କରାଯାଉଛି ।
ସୂଚନାଅନୁସାରେ, କିଛି ଦିନ ହେବ ମୁମ୍ବାଇରେ ଲଗାଣ ବର୍ଷା ଜାରି ରହିଛି । ଏନେକ ସ୍ଥାନ ଜଳବନ୍ଦୀ ହୋଇଛି । ଅନେକ ସ୍ଥାନରେ ବର୍ଷା ପାଣି ଘରେ ପଶି ଯାଇଥିବା ଦେଖିବାକୁ ମିଳିଛି । ଭୂସ୍କଳନ ଯୋଗୁଁ କାନ୍ଥ ଭଶୁଡିବା ଫଳରେ ଏପରି ଅଘଟଣ ହୋଇଛି ।ହନୁମାନ ନଗର, ପୂର୍ବ କାଣ୍ଡିଭାଳି ଅଞ୍ଚଳର ଅନେକଙ୍କ ଘରେ ବର୍ଷା ପାଣି ପଶିଯାଇଛି । ୬ଟି ଘରର କାନ୍ଥ ଭୁଶୁଡିବା ସୂଚନା ମିଳିଛି। ଏବେ ବି କାନ୍ଥ ତଳେ ୮ ଜଣ ଫସିଥିବା ସୂଚନା ଜଣାପଡିଛି । ବର୍ଷା ହେବା ଫଳରେ କାନ୍ଥ ଭୁଶୁଡି ୧୭ ଜଣଙ୍କ ମୃ୍ତ୍ୟୁ ହୋଇଛି । ଏହା ସହିତ ମୁମ୍ବାଇର ବିକ୍ରୋଲି ଅଞ୍ଚଳରେ ଘର ଭୁଶୁଡି ୬ଜଣଙ୍କ ମୃତ୍ୟୁ ହୋଇଛି ।ଘଟଣାସ୍ଥଳରେ ଏନଡିଆରଫ ଟିମ ପହଞ୍ଚିଛି । ବିଏମସି, ଏନଡିଆରଫ ଓ ଅଗ୍ନିଶମ ବାହିନୀ ପକ୍ଷରୁ ବର୍ତ୍ତମାନ ଉଦ୍ଧାର କାର୍ୟ୍ୟ ଜାରି ରହିଛି । ମୃତ୍ୟୁସଂଖ୍ୟା ବଢିବା ନେଇ ଆଶଙ୍କା କରାଯାଉଛି । ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତଙ୍କ ପରିବାରକୁ ସମବେଦନା ଜଣାଇଛନ୍ତି ପ୍ରଧାନମନ୍ତ୍ରୀ । ଏହା ସହିତ ମୃତକଙ୍କ ପରିବାରକୁ ୨ଲକ୍ଷ ଟଙ୍କାର ସହାୟତା ରାଶି ସହିତ ଆହତଙ୍କ ପରିବାରକୁ ୫୦ ହଜାର ଟଙ୍କାର ସହାୟତା ରାଶି ଘୋଷଣା କରିଛନ୍ତି ।
Powered by Froala Editor