ଭୁବନେଶ୍ୱର: ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସମେତ ୬ଟି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଲୋଚନା କରିଛନ୍ତି । କୋଭିଡ ପରିଚାଳନା ସମ୍ପର୍କରେ ମୋଦୀ ଭିଡିଓ କନଫରେନ୍ସ ମାଧ୍ୟମରେ ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରିଛନ୍ତି ।  ଓଡ଼ିଶା ସମେତ କେରଳ, କର୍ଣ୍ଣାଟକ, ମହାରାଷ୍ଟ୍ର, ତାମିଲନାଡ଼ୁ ଓ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀଙ୍କ ସହ ମୋଦୀ ଆଲୋଚନା କରିଛନ୍ତି ।  ଏହି ଅବସରରେ ମୋଦୀ ମୁଖ୍ୟମନ୍ତ୍ରୀମାନଙ୍କୁ କିଛି ପରାମର୍ଶ ଦେଇଛନ୍ତି । ଆସନ୍ତୁ ଜାଣିବା କ’ଣ ସେସବୁ ପରାମର୍ଶ:

ମୋଦୀ କହିଛନ୍ତି ଯେ, ଏକ୍ସପର୍ଟ କହୁଛନ୍ତି ଲଗାତାର କେସ ବଢିଲେ ମୁ୍ୟଟେସନ ବଢିଯାଏ ।  ମୁ୍ୟଟେସନ ବଢିବା ଦ୍ୱାରା ଭୂତାଣୁ ଅଧିକ ଶକ୍ତିଶାଳୀ ହୋଇଥାଏ ।  ଏଥିପାଇଁ ୩ୟ ଲହର ରୋକିବାକୁ ହେଲେ କଡ଼ା ପଦକ୍ଷେପ ନେବା ଜରୁରୀ  । ଟେଷ୍ଟ, ଟ୍ରାକ, ଟ୍ରିଟ ଓ ଟିକାକୁ ଗୁରୁତ୍ୱର ସହ ଆଗେଇ ନେବାକୁ ପଡ଼ିବ ।  ଯେଉଁଠି ପଜିଟିଭିଟି ଅଧିକ ସେଠାରେ ମାଇକ୍ରୋ କଣ୍ଟେନମେଣ୍ଟ କରାଯାଉ ।  ନର୍ଥଇଷ୍ଟରେ କିଛି ରାଜ୍ୟରେ ବିଲକୁଲ ଲକଡାଉନ କରାଯାଇନାହିଁ ।  ସେମାନେ ମାଇକ୍ରୋ କଣ୍ଟେନମେଣ୍ଟ କରି ଲକଡାଉନ ଏଡ଼ାଇ ପାରିଛନ୍ତି ।  ଟିକା ଆମ ପାଇଁ ବଡ଼ ଅସ୍ତ୍ର, ଏହାକୁ ଠିକ ଢଙ୍ଗରେ ପରିଚାଳନା କରାଯାଉ ।  କରୋନାକୁ ରୋକିବା ପାଇଁ ଅଧିକରୁ ଅଧିକ ଟିକାକରଣ କରାଯାଉ ।  ଗ୍ରାମାଞ୍ଚଳରେ ଆମକୁ ଅଧିକ ପରିଶ୍ରମ କରିବାକୁ ପଡ଼ିବ ।  ଅକ୍ସିଜେନ ପ୍ଲାଣ୍ଟ ପାଇଁ କୌଣସି ସିନିୟର ଅଫିସରଙ୍କୁ ଦାୟିତ୍ୱ ଦିଅନ୍ତୁ ।  ୧୫/୨୦ ଦିନରେ କାମ ସାରବିାକୁ ମିଶନ ମୋଡ ନିଆଯାଉ ।  ୟୁରୋପ ଓ ଏସଆର କିଛି ଦେଶରେ ପୁଣି ସଂକ୍ରମଣ ବଢୁଛି ।  ଆମ ପାଇଁ ଏହା ଏକ ଚେତାବନୀ । ଆମେ ଆଦୌ ଢିଲା ହେବାନି ।  କରୋନା ଯାଇନାହିଁ ବୋଲି ଲୋକଙ୍କୁ ବୁଝାଇବାକୁ ପଡ଼ିପ । ସାର୍ବଜନୀନ ସ୍ଥାନରେ ଭିଡ଼ ରୋକିବାକୁ ଅଧିକ ସଶକ୍ତ ହେବାକୁ ପଡ଼ିବ । ଛୋଟ ପିଲାଙ୍କୁ କରୋନାରୁ ରକ୍ଷା କରିବାକୁ ପ୍ରସ୍ତୁତି ଜୋରଦାର  କରାଯାଉ ବୋଲି ମୋଦୀ ପରାମର୍ଶ ଦେଇଛନ୍ତି ।

Powered by Froala Editor