ବସ ଟିକସ ଛାଡ଼ ନେଇ କ’ଣ କହିଲେ ମନ୍ତ୍ରୀ, ଜାଣନ୍ତୁ
ଭୁବନେଶ୍ୱର: ରାଜ୍ୟରେ ଲକଡାଉନରୁ ଦୀର୍ଘ ୧୬ ମାସ ହେବ ଗାଡିମଟର ଚଳାଚଳ ବନ୍ଦ ହୋଇ ରହିଛି । ଫଳରେ ବସ ପାଲିକମାନେ ସର୍ବାଧିକ କ୍ଷତି ସହିଛନ୍ତି । ଏହାକୁ ଦୃଷ୍ଟି ଦେଇ ରାଜ୍ୟରେ ବସ ଟିକସ ଛାଡ଼ ପାଇଁ ବିଚାର ଚାଲିଥିବା ପରିବହନ ମନ୍ତ୍ରୀ ପଦ୍ମନାଭ ବେହେରା ବୁଧବାର ସୂଚନା ଦେଇଛନ୍ତି । ଲକଡାଉନ ପରବର୍ତ୍ତୀ ବସ ଚଳାଚଳ ସ୍ୱାଭାବିକ ପାଇଁ ପଦକ୍ଷେପ ନିଆଯାଉଛି । ବସ ମାଲିକଙ୍କ ଟିକସ ଛାଡ ସହ ଅନ୍ୟ ସୁବିଧା ପ୍ରଦାନ ନିମନ୍ତେ ବିଚାର ଚାଲିଛି । କାଟାଗୋରି-ବି ଜିଲ୍ଲାଗୁଡିକର ବସ ଚଳାଚଳ କରିବ ନା ନାହିଁ ନିଷ୍ପତ୍ତି ନିଆଯିବ । ମନ୍ତ୍ରୀ ବେହେରା କହିଛନ୍ତି, ଏବେ ମଧ୍ୟ ଆମେ କରୋନାରୁ ବାହାରି ପାରିନାହାନ୍ତି । ରାଜ୍ୟରେ ବର୍ତ୍ତମାନ ଲକଡାଉନ ଜାରି ରହିଛି । ଏ-କାଟାଗୋରି ୨୦ ଜିଲ୍ଲାରେ ବସ ଚଳାଚଳ କରିବାକୁ ଅନୁମତି ଦିଆଯାଇଛି । ୧୦ ଜିଲ୍ଲାରେ ବସ ଚଳାଚଳ ବନ୍ଦ ରହିଛି । ତେବେ ଲକଡାଉନର ପରବର୍ତ୍ତୀ ପର୍ଯ୍ୟାୟରେ ବସ ଚଳାଚଳ କରିବ ନା ନାହିଁ ଏହା ଉପରେ ନିଷ୍ପତ୍ତି ନିଆଯିବ । ନିଶ୍ଚିତଭାବେ ବସ ଚଳାଚଳ ନେଇ ବ୍ୟବସ୍ଥା କରାଯିବ ବୋଲି ମନ୍ତ୍ରୀ ବେହେରା କହିଛନ୍ତି ।
Powered by Froala Editor
