୧୫ ସୁଦ୍ଧା ଦାଖଲ ହେବ ଯୁକ୍ତ ଦୁଇ ପ୍ରାକ୍ଟିକାଲ ମାର୍କ
ଭୁବନେଶ୍ୱର : ଯୁକ୍ତ ୨ କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ପାଠ୍ୟକ୍ରମ ଛାତ୍ରଛାତ୍ରୀଙ୍କ ପରୀକ୍ଷା ଫଳ ପ୍ରକାଶ ଦିଗରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ତତ୍ପରତା ପ୍ରକାଶ କରିଛି । ପରିଷଦ ପରୀକ୍ଷା ନିୟନ୍ତ୍ରକ ସମସ୍ତ ଯୁକ୍ତ୨ କଲେଜ ଅଧ୍ୟକ୍ଷଙ୍କୁ ଚିଠି ଲେଖି ଆସନ୍ତା ୧୫ ତାରିଖ ସୁଦ୍ଧା କଳା, ବିଜ୍ଞାନ, ବାଣିଜ୍ୟ ଓ ଧନ୍ଦାମୂଳକ ଶିକ୍ଷା ଛାତ୍ରଛାତ୍ରୀଙ୍କ ମାର୍କ ତାଲିକା ସାମସ ଇ-ସ୍ପେସରେ ଅପଲୋଡ କରିବାକୁ କୁହାଯାଇଛି । ଏନେଇ ଶିକ୍ଷାନୁଷ୍ଠାନଗୁଡ଼ିକୁ ଲିଙ୍କ ପ୍ରଦାନ କରାଯାଇଛି । ଏଥିସହ ମାନୁଆଲ ଭାବେ ପ୍ରାକ୍ଟିକାଲ /ପ୍ରକଳ୍ପ ମାର୍କ କିଭଳି ଦାଖଲ ହୋଇପାରିବ ତାହାର ସବିଶେଷ ତଥ୍ୟ ପରିଷଦ ପକ୍ଷରୁ କଲେଜଗୁଡ଼ିକୁ ପଠାଯାଇଛି । ସେହିପରି ଥିଓରି ମାର୍କ ପ୍ରଦାନ ନେଇ ମଧ୍ୟ ପରିଷଦ କଲେଜ ଅଧ୍ୟକ୍ଷମାନଙ୍କ ସହଯୋଗ ଲୋଡ଼ିଛି । ୨୦୧୯-୨୦ ଶିକ୍ଷାବର୍ଷରେ ଯୁକ୍ତ୨ରେ ନାମ ଲେଖାଇବା ଛାତ୍ରଛାତ୍ରୀଙ୍କ ଦଶମ ମାର୍କ ସିଟ ସମତେ ନାମଲେଖା ସମୟର ସମସ୍ତ କାଗଜପତ୍ର ଭଲ ଭାବେ ଯାଞ୍ଚ କରିବାକୁ କୁହାଯାଇଛି । ଆବଶ୍ୟକ ସ୍ଥଳେ ମାର୍କସିଟ ସମ୍ପୃକ୍ତ ସ୍କୁଲକୁ ପଠାଯାଇ ଯାଞ୍ଚ କରାଯିବ ।
Powered by Froala Editor
