ସମୟ ବିତିବା ସହ ପୁରୁଣା କ୍ଷତ ବି ଭରିଯାଏ । ହେଲେ କେରଳର କାସରଗଡରେ ଘଟିଥିବା ଏକ ଘଟଣା ଏହି ଉକ୍ତିକୁ ଭୁଲ ପ୍ରମାଣିତ କରିଛି । କେରଳର କାସରଗୋଡ ଜିଲ୍ଲାରୁ ୨ ଜଣଙ୍କୁ ଗିରଫ କରିଛି ପୋଲିସ । ଜଣେ ୬୨ ବର୍ଷୀୟ ବୃଦ୍ଧଙ୍କୁ ମାଡ଼ ମାରିବା ଅଭିଯୋଗରେ ସେମାନଙ୍କୁ ଗିରଫ କରାଯାଇଛି । ଗିରଫ ହୋଇଥିବା ୨ ଜଣ ହେଲେ ବାଲକ୍ରିଷ୍ଣନ ଏବଂ  ମାଥିୟୁ । ଦୁହେଁ ମିଶି ଭି.ଜେ ବାବୁଙ୍କୁ ମାଡ଼ ମାରିବା ନେଇ ଅଭିଯୋଗ ହୋଇଛି । ଗିରଫ ୨ ଅଭିଯୁକ୍ତଙ୍କ ସ୍କୁଲ ବେଳର ସାଙ୍ଗ ହେଉଛନ୍ତି, ବାବୁ ।

ସୋମବାର ଅପରାହ୍ନ ପ୍ରାୟ ଗୋଟାଏ ସମୟର ଘଟଣା । ଜନଗ୍ରାମ ହୋଟେଲ ବାହାରେ ଏକାଠି ହୋଇଥିଲେ ୩ ସାଙ୍ଗ ବାଳକୃଷ୍ଣ,ବାବୁ ଓ ମାଥିୟୁ । ବିଭିନ୍ନ ପ୍ରସଙ୍ଗରେ ଆଲୋଚନା ହେଉ ହେଉ ସେହି ପୁରୁଣା ଘଟଣା ମନେ ପଡିଯାଇଥିଲା । ବାଳକୃଷ୍ଣ ନିଜର ସହଯୋଗୀ ମାଥିୟୁଙ୍କ ସହ ମିଶି ବାବୁଙ୍କ ଉପରେ ଆକ୍ରମଣ କରିଥିଲେ । ପ୍ରଥମେ ବାଳକୃଷ୍ଣ ବାବୁଙ୍କ ସାର୍ଟ କଲର ଧରିଥିଲେ ଆଉ ମାଥିୟୁ ପଥରରେ ଦେହର ବିଭିନ୍ନ ସ୍ଥାନରେ ଆଘାତ ଦେଇ ଚାଲିଥିଲେ । ଏହି ଆକ୍ରମଣରେ ବାବୁଙ୍କ ୨ଟି ଦାନ୍ତ ଭାଙ୍ଗିଯାଇଛି ।

ବାବୁ ହସ୍‌ପିଟାଲରେ ପୋଲିସକୁ ଦେଇଥିବା ତଥ୍ୟ ମୁତାବକ କଥା ହେଉଛି ଏହି ଝଗଡା ୧୯୭୨ ମସିହାର । ସେତେବେଳେ ବାଳକୃଷ୍ଣ,ମାଥିୟୁ ଓ ବାବୁ ମାଲୋମ ସହରର ନଟକ୍କଲୁ ଏଡେଡ ୟୁପି ସ୍କୁଲରେ ଏକାଠି ଚତୁର୍ଥ ଶ୍ରେଣୀରେ ପାଠ ପଢୁଥିଲେ । ସେହି ସମୟରେ ବାବୁ ବାଳକୃଷ୍ଣଙ୍କୁ ଗୋଟିଏ ଥର ମାଡ ମାରିଥିଲେ । ସେହି ଦିନଠାରୁ ତା ମନରେ ସେହି କଥା ବସା ବାନ୍ଧି ରହିଥିଲା । ସେ ପ୍ରତିଶୋଧ ନେବା କଥା ଭାବୁଥିବ ବାବୁ କେବେ ଭାବିନଥିଲେ । ଘଟଣାରେ ମାମଲା ରୁଜୁ ହୋଇଥିବା ପୋଲିସ କହିଛି ।

Powered by Froala Editor