ଆମେରିକାର ଲସ ଏଞ୍ଜେଲ୍ସରେ ହିଂସାପୂର୍ଣ୍ଣ ବାତାବରଣ ଦେଖାଦେଇଛି। ବିକ୍ଷୋଭକାରୀମାନେ ପୁଲିସ ଗାଡ଼ିରେ ନିଆଁ ଲଗାଇ ଦେଉଛନ୍ତି। ପୁଲିସ ଓ ସୁରକ୍ଷାକର୍ମୀ ବିକ୍ଷୋଭକାରୀଙ୍କୁ ଲାଠିମାଡ଼ କରି ଘଉଡ଼ାଉଛନ୍ତି। ରାଜରାସ୍ତାରେ ଏଭଳି ଦୃଶ୍ୟ ଡୋନାଲ୍ଡ ଟ୍ରମ୍ପ ସରକାରକୁ ଅଡୁଆରେ ପକାଇଛି। ତେବେ ରବିବାର ଦଙ୍ଗା ସମ୍ପର୍କିତ ଖବର ପ୍ରସାରଣ କରୁଥିବା ଜଣେ ସାମ୍ବାଦିକାଙ୍କୁ ସୁରକ୍ଷାକର୍ମୀ ଗୁଳିମାଡ଼ କରିଛନ୍ତି।

ଜଣେ ସାମ୍ବାଦିକାଙ୍କୁ ଗୁଳି କରାଯାଇଥିବାର ଏକ ଭିଡିଓ ସୋସିଆଲ ମିଡିଆରେ ଘୁରି ବୁଲୁଛି। ଏହି ଗୁଳି ପୁଲିସ ଦ୍ବାରା ମରାଯାଇଥିବା ଅଭିଯୋଗ ହୋଇଛି। ସାମ୍ନାକୁ ଆସିଥିବା ଭିଡିଓରେ ଯେଉଁ ମହିଳା ସାମ୍ବାଦିକା ଜଣଙ୍କୁ ଦେଖିବାକୁ ମିଳୁଛି। ଉକ୍ତ ସାମ୍ବାଦିକା ଜଣକ ଅଷ୍ଟ୍ରେଲିଆର ବାସିନ୍ଦା ଥିବା ବେଳେ ନାମ ତାଙ୍କର ଲାରେନ ଟୋମାସି ଥିବା କୁହାଯାଉଛି। ପୁଲିସର ରବର  ଗୁଳି ଲାରେନଙ୍କ ଗୋଡରେ ଆସି ବାଜିଥିଲା। ଏଥିରେ ସାମ୍ବାଦିକ ସାମାନ୍ୟ ଆହତ ହୋଇଥିବା ବେଳେ ବିଶେଷ କିଛି କ୍ଷତି ପହଞ୍ଚି ନଥିବା ଯାଞ୍ଚ ଅଧିକାରୀଙ୍କ ସୂତ୍ରରୁ ପ୍ରକାଶ ପାଇଛି।

ଖବର ପ୍ରସାରଣ ସମୟରେ ସାମ୍ବାଦିକାଙ୍କ ଉପରେ ପୁଲିସର ଏପରି କାର୍ଯ୍ୟାନୁଷ୍ଠାନକୁ ବିଭିନ୍ନ ମହଲରେ ନିନ୍ଦା କରାଯାଉଛି। ଆମେରିକା ଭଳି ରାଷ୍ଟ୍ରରେ ଗଣମାଧ୍ୟମର କଣ୍ଠରୋଧ କରିବାକୁ ଉଦ୍ୟମ କରାଯିବା ଅନେକ ପ୍ରଶ୍ନବାଚୀ ସୃଷ୍ଟି କରିଛି।

Powered by Froala Editor