ମେଘାଳୟରେ ରାଜା ରଘୁବଂଶୀ ହତ୍ୟା ମାମଲାର ପର୍ଦ୍ଦାଫାଶ କରିଛି ପୁଲିସ। ରାଜାଙ୍କୁ ତାଙ୍କ ସ୍ତ୍ରୀ ସୋନମ ସୁପାରି କିଲରଙ୍କ ଜରିଆରେ ହତ୍ୟା କରିଥିଲେ। ଯାହାକୁ ରାଜା ରଘୁବଂଶୀଙ୍କୁ ହତ୍ୟାର ମାଷ୍ଟରମାଇଣ୍ଡ କୁହାଯାଉଛି । ସୋମବାର ରାଜାଙ୍କ ବ୍ୟବଚ୍ଛେଦ ରିପୋର୍ଟ ପୁଲିସକୁ ହସ୍ତଗତ ହୋଇଛି। ରାଜାଙ୍କୁ କିପରି ହତ୍ୟା କରାଯାଇଥିଲା ତାହା ରିପୋର୍ଟରେ ଦର୍ଶାଯାଇଛି।

ରିପୋର୍ଟ ଅନୁସାରେ, ରାଜାଙ୍କ ମୁଣ୍ଡରେ ଦୁଇଟି ଗଭୀର କ୍ଷତ ଚିହ୍ନ ରହିଛି। ଅତ୍ୟନ୍ତ ଧାରୁଆ ଅସ୍ତ୍ରରେ ତାଙ୍କୁ ଆକ୍ରମଣ କରାଯାଇଛି ବୋଲି ମେଘାଳୟ ଏସଆଇଟି(ସ୍ଵତନ୍ତ୍ର ତଦନ୍ତକାରୀ ଟିମ) ମୁଖ୍ୟ ହର୍ବର୍ଟ ପିନିଏଡ ଖାର୍କୋନଗର କହିଛନ୍ତି।

ଏହି ମାମଲାରେ ପୁଲିସ ସୋନମ ଏବଂ ଅନ୍ୟ ୩ ହତ୍ୟାକାରୀଙ୍କୁ ଉତ୍ତରପ୍ରଦେଶ ଏବଂ ମଧ୍ୟପ୍ରଦେଶରୁ ଗିରଫ କରିଛି। ତାଙ୍କ ଫଟୋ ମଧ୍ୟ ଗଣମାଧ୍ୟମରେ ପ୍ରକାଶ ପାଇଛି। ତାଙ୍କ ସହିତ ଗିରଫ ହୋଇଥିବା ତିନି ଜଣ ହତ୍ୟାକାରୀଙ୍କ ଫଟୋ ମଧ୍ୟ ସାମ୍ନାକୁ ଆସିଛି। ସେମାନେ ହେଲେ ବିଶାଲ ଚୌହାନ, ଆକାଶ ରାଜପୁତ ଏବଂ ଆନନ୍ଦ କୁର୍ମି  । ସୋନମ ସେମାନଙ୍କୁ ତାଙ୍କ ସ୍ଵାମୀ ରାଜାଙ୍କୁ ହତ୍ୟା କରିବା ଲାଗି ସୁପାରି ଦେଇଥିଲେ ବୋଲି ଅଭିଯୁକ୍ତମାନେ ସ୍ଵୀକାର କରିଛନ୍ତି। ଏମାନଙ୍କ ମଧ୍ୟରୁ ରାଜ ହେଉଛନ୍ତି ସୋନମଙ୍କ ପ୍ରେମିକ।

ସେମାନେ ରାଜାଙ୍କୁ ହତ୍ୟା କରି ନାଳରେ ଫିଙ୍ଗି ଦେଇଥିଲେ। ପୋଲିସ ସେମାନଙ୍କୁ ହେପାଜତକୁ ନେଇ ପଚରାଉଚରା କରୁଛି । ରାଜ କୁଶୱାହା ସୋନମଙ୍କ ବାପାଙ୍କ ପ୍ଲାଇଉଡ୍ ଦୋକାନରେ ବିଲିଂ କାଉଣ୍ଟରରେ କାମ କରୁଥିଲେ ଏବଂ ସୋନମଙ୍କଠାରୁ ୫ବର୍ଷ ସାନ ଥିଲେ। କିଛି ସମୟ ପାଇଁ ସେ ସୋନମଙ୍କ ଘର ପାଖରେ ମଧ୍ୟ ରହୁଥିଲେ, କିନ୍ତୁ ସେ ଦେଢ଼ ବର୍ଷ ପୂର୍ବରୁ ସେଠାରୁ ଚାଲିଯାଇଥିଲେ। ଏହି ସମୟରେ ସେ ସୋନମଙ୍କ ସହ କଥା ହେଉଥିଲେ।

Powered by Froala Editor