ଭୁବନେଶ୍ୱର: କନ୍ଧମାଳ ସୀମାରେ ମାଓବାଦୀ- ସୁରକ୍ଷାକର୍ମୀ ଗୁଳିବିନିମୟରେ ଆହତ ୨ ଯବାନ ଭୁବନେଶ୍ୱରରେ ପହଞ୍ଚିଥିବା ଜଣାଯାଇଛି । ନିଜେ ପୁଲିସ ଡିଜି ଶ୍ରୀ ଅଭୟ ସମ୍ପୃକ୍ତ ୨ ଯବାନଙ୍କୁ ଏୟାରଲିଫ୍ଟ କରି ଆଣିଛନ୍ତି ।  କୋରାପୁଟ, ମାଲକାନଗିରି ଗସ୍ତରେ ଥିବା ଡିଜିପି ନିଜ ଗସ୍ତ ବାତିଲ କରିବା ସହ ସମ୍ପୃକ୍ତ ୨ ଯବାନଙ୍କୁ ଏୟାରଲିଫ୍ଟ କରି ଭୁବନେଶ୍ୱର ଆଣିଛନ୍ତି । ଏହି ଅବସରରେ  ଯବାନଙ୍କୁ ଏୟାରଲିଫ୍ଟ କାର୍ଯ୍ୟରେ ୩ ଜଣଙ୍କୁ  ପ୍ରଶଂସା କରିଛନ୍ତି ଡିଜିପି ।  ବିଶେଷଭାବେ ବିଏସଏଫର ପାଇଲଟ ପଣ୍ଡିତଙ୍କୁ ଡିଜିପି ପ୍ରଶଂସା କରିଛନ୍ତି ।  ପାଦେଲପଡ଼ା ଭଳି ଛୋଟ ସ୍ଥାନରେ ସମ୍ପୃକ୍ତ ପାଇଲଟ ହେଲିକପ୍ଟରକୁ ଲ୍ୟାଣ୍ଡ କରାଇଥିଲେ ।  ସେହିପରି ସିଆରପିଏଫ ଯବାନ ଓ କନ୍ଧମାଳର ଡାକ୍ତରଙ୍କୁ ମଧ୍ୟ ଡିଜିପି ପ୍ରଶଂସା କରିଛନ୍ତି ।  ଡାକ୍ତର ଯେଉଁ ଅବସ୍ଥାରେ ଥିଲେ ସେହି ଅବସ୍ଥାରେ ଭୁବନେଶ୍ୱର ଆସିଛନ୍ତି ବୋଲି ଡିଜିପି କହିଛନ୍ତି । 

ପ୍ରକାଶ ଯେ, ମାଓ ସଂଗଠନରେ କରୋନା ନିଜର ତାଣ୍ଡବ ରଚି ବହୁ ମାଓବାଦୀଙ୍କ ଜୀବନ ନେଇସାରିଥିଲେ ହେଁ ମାଓବାଦୀ ନିଜ ରାସ୍ତାରୁ ହଟିବାର ନାମ ନେଉନାହାନ୍ତି । ବନ୍ଧୁକ ଛାଡ଼ି ସେମାନେ ମୁଖ୍ୟସ୍ରୋତରେ ସାମିଲ ହେଉନାହାନ୍ତି । ଯାହାର ପରିମାଣ ସ୍ୱରୂପ ଆଜି  ବୌଦ୍ଧ-କନ୍ଧକାଳ ସୀମରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ଉମା ଜଙ୍ଗଲରେ ସୁରକ୍ଷା କର୍ମୀଙ୍କ କମ୍ବିଂ ବେଳେ ଗୁଳି ବିନିମୟ ହୋଇଛି । ଘଣ୍ଟେ କି ଦୁଇ ଘଣ୍ଟା ନୁହେଁ ୮ଘଣ୍ଟାରୁ ଊଦ୍ଧ୍ୱର୍ ସମୟ ହେଲାଣି ଗୁଳି ବିନିମୟ ଚାଲିଛି ।  ସବୁଠାରୁ ବଡ଼ କଥା ହେଲା ମାଓବାଦୀଙ୍କ ଗୁଳିରେ ୨ ଯବାନ ଗୁରୁତର ଆହତ ହୋଇଥିବା ଜଣାଯାଇଛି । ତେବେ କୋରାପୁଟ ଗସ୍ତରେ ଥିବା ଡିଜିପି ଘଟଣାସ୍ଥୂଳରେ ପହଞ୍ଚିଥିଲେ ।  ନିଜ ହେଲିକେପ୍ଟରରେ ୨ ଯବାନଙ୍କୁ ଏୟାରଲିଫ୍ଟ କରିଛନ୍ତି ।  
ବର୍ତ୍ତମାନ ଶେଷ ଖବର ସୁଦ୍ଧା ଆହତ ୨ ଜଣ ଯବାନଙ୍କୁ ଭୁବନେଶ୍ୱର ଏମସରେ ଭର୍ତ୍ତି କରାଯାଇ ଚିକିତ୍ସା ଆରମ୍ଭ କରାଯାଇଛି ।

Powered by Froala Editor