ଭୁବନେଶ୍ୱର ପହଞ୍ଚିଲେ ଆହତ ଯବାନ

ଭୁବନେଶ୍ୱର: କନ୍ଧମାଳ ସୀମରେ ମାଓବାଦୀ- ସୁରକ୍ଷାକର୍ମୀ ଗୁଳିବିନିମୟରେ ଆହତ ୨ ଯବାନ ଭୁବନେଶ୍ୱରରେ ପହଞ୍ଚିଥିବା ଜଣାଯାଇଛି । ନିଜେ ପୁଲିସ ଡିଜି ଶ୍ରୀ ଅଭୟ ସମ୍ପୃକ୍ତ ୨ ଯବାନଙ୍କୁ ଏୟାରଲିଫ୍ଟ କରି ଆଣିଛନ୍ତି । କୋରାପୁଟ, ମାଲକାନଗିରି ଗସ୍ତରେ ଥିବା ଡିଜିପି ନିଜ ଗସ୍ତ ବାତିଲ କରିବା ସହ ସମ୍ପୃକ୍ତ ୨ ଯବାନଙ୍କୁ ଏୟାରଲିଫ୍ଟ କରି ଭୁବନେଶ୍ୱର ଆଣିଛନ୍ତି ।
ପ୍ରକାଶ ଯେ, ମାଓ ସଂଗଠନରେ କରୋନା ନିଜର ତାଣ୍ଡବ ରଚି ବହୁ ମାଓବାଦୀଙ୍କ ଜୀବନ ନେଇସାରିଥିଲେ ହେଁ ମାଓବାଦୀ ନିଜ ରାସ୍ତାରୁ ହଟିବାର ନାମ ନେଉନାହାନ୍ତି । ବନ୍ଧୁକ ଛାଡ଼ି ସେମାନେ ମୁଖ୍ୟସ୍ରୋତରେ ସାମିଲ ହେଉନାହାନ୍ତି । ଯାହାର ପରିମାଣ ସ୍ୱରୂପ ଆଜି ବୌଦ୍ଧ-କନ୍ଧକାଳ ସୀମରେ ସୁରକ୍ଷାକର୍ମୀ-ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି । ଉମା ଜଙ୍ଗଲରେ ସୁରକ୍ଷା କର୍ମୀଙ୍କ କମ୍ବିଂ ବେଳେ ଗୁଳି ବିନିମୟ ହୋଇଛି । ଘଣ୍ଟେ କି ଦୁଇ ଘଣ୍ଟା ନୁହେଁ ୮ଘଣ୍ଟାରୁ ଊଦ୍ଧ୍ୱର୍ ସମୟ ହେଲାଣି ଗୁଳି ବିନିମୟ ଚାଲିଛି । ସବୁଠାରୁ ବଡ଼ କଥା ହେଲା ମାଓବାଦୀଙ୍କ ଗୁଳିରେ ୨ ଯବାନ ଗୁରୁତର ଆହତ ହୋଇଥିବା ଜଣାଯାଇଛି । ତେବେ କୋରାପୁଟ ଗସ୍ତରେ ଥିବା ଡିଜିପି ଘଟଣାସ୍ଥୂଳରେ ପହଞ୍ଚିଥିଲେ । ନିଜ ହେଲିକେପ୍ଟରରେ ୨ ଯବାନଙ୍କୁ ଏୟାରଲିଫ୍ଟ କରିଛନ୍ତି ।
ଅନ୍ୟପକ୍ଷରେ କନ୍ଧମାଳ ସୀମରେ ମାଓବାଦୀ- ସୁରକ୍ଷାକର୍ମୀ ଗୁଳିବିନିମୟରେ ଆହତ ୨ ଯବାନଙ୍କ ଅବସ୍ଥା ସ୍ଥିର ରହିଥିବା ଗୁଇନ୍ଦା ବିଭାଗ ନିଦେ୍ର୍ଧଶକ ଲଳିତ ଦାସ ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଗୁଇନ୍ଦା ସୂତ୍ରରୁ ଖବର ପାଇ ସୁରକ୍ଷାକର୍ମୀ ଚଢଉ କରିଥିଲେ । କେକେବିଏନ ସଂଗଠନର ମାଓବାଦୀ ଏକାଠି ହୋଇଥିବା ଖବର ମିଳିଥିଲା । ଏନେଇ ଚଢଉ କରାଯାଇଥିବାବେଳେ ବର୍ତ୍ତମାନ ସୁଦ୍ଧା ବି ଗୁଳିବିନିମୟ ଚାଲିଛି । ଏଥିରେ ୨ ଜଣ ଏସଓଜି ଯବାନ ଗୁରୁତର ଆହତ ହୋଇଛନ୍ତି । ସେମାନଙ୍କ ଅବସ୍ଥା ସ୍ଥିର ରହିଥିବା ଗୁଇନ୍ଦା ନିଦେ୍ର୍ଧଶକ ଲଳିତ ଦାସ ସୂଚନା ଦେଇଛନ୍ତି ।
Powered by Froala Editor