ଭୁବନେଶ୍ୱର: ପ୍ରଧାନମମନ୍ତ୍ରୀ ଆବାସ ଯୋଜନାରେ ଦୁର୍ନୀତି ଅଭିଯୋଗ କରି ବିଜେପି ରାଜ୍ୟ ସରକାରଙ୍କୁ ଟାର୍ଗେଟ କରିଛିି । ତେବେ ଏହି ଦୁର୍ନୀତିର ସିବିଆଇ ତଦନ୍ତ କରାଯିବା ନେଇ ବିଜେପି ଦାବି କରିଛି । ବିଜେପି ମୁଖପାତ୍ର ପିତାମ୍ବର ଆଚାର୍ଯ୍ୟ ଏହି ଦାବି କରିଛନ୍ତି ।
ଶ୍ରୀ ଆଚାର୍ଯ୍ୟ କହିଛନ୍ତି ଯେ, ସବୁ ଦୁର୍ନୀତିରେ ମୁଖ୍ୟମନ୍ତ୍ରୀ ଅଛନ୍ତି । ସେ ଅଫିସର ମୁଣ୍ଡରେ ଅଠା ବୋଲି ଖସୁଛନ୍ତି । ଆବାସ ଦୁର୍ନୀତି ପ୍ରସଙ୍ଗରେ ବିଜେପି ପକ୍ଷରୁ ଆଇନଗତ ପଦକ୍ଷେପ ନିଆଯିବ । ଆବାସ ଦୁର୍ନୀତିର ତଦନ୍ତ କେନ୍ଦ୍ରୀୟ ସଂସ୍ଥା ବା ସିବିଆଇ ଦ୍ୱାରା ହେଉ ବୋଲି ବିଜେପି ମୁଖପାତ୍ର ପିତାମ୍ବର ଆଚାର୍ଯ୍ୟ ଦାବି କରିଛନ୍ତି ।
 

ପୂର୍ବରୁ  ଓଡ଼ିଶାରେ ପ୍ରଧାନମନ୍ତ୍ରୀ ଆବାସ ଯୋଜନାରେ ହଜାରେ କୋଟିର ଦୁର୍ନୀତି ହୋଇଛି ବୋଲି  ସୋମବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ରାଜ୍ୟ ବିଜେପି ସଭାପତି ସମୀର ମହାନ୍ତି  ଅଭିଯୋଗ ଆଣିଥିଲେ   ।

ସେ କହିଥିଲେ ଯେ, କେନ୍ଦ୍ରୀୟ ତଦନ୍ତକାରୀ ଟିମ ରିପୋର୍ଟ ଅନୁସାରେ ବ୍ୟାପକ ଅନିୟମିତତା ହୋଇଛି ।  ଖୋର୍ଦ୍ଧା ଜିଲ୍ଲା ଟାଙ୍ଗିରେ ଅଯୋଗ୍ୟ ହିତାଧିକାରୀଙ୍କ ବାପା ନାମରେ ଘର ମିଳିଛି ।  ନିଆଳି ବ୍ଲକରେ ଗୁହାଳ ପାଇଁ ବି ଅର୍ଥ ଦିଆଯାଇଛି ।  ଆବଣ୍ଟିତ ଘରେ ବିଜୁ ପକ୍କାଘର ଫଳକ ବଡ଼ ଆକରରେ ଲଗାଯାଇଛି ।  ୯୮, ୫୬୨ ଜଣ ହିତାଧିକାରୀଙ୍କୁ ମାନୁଆଲି ପାଣ୍ଠି ହସ୍ତାନ୍ତର କରାଯାଇଛି । 

ପ୍ରତି ଘର ପାଇଁ ଲକ୍ଷେ ୨୦ ହଜାର ହିସବାରେ ପ୍ରାୟ ହଜାରେ କୋଟିର ଦୁର୍ନୀତି ହୋଇଛି ।  ଅଧିକାଂଶ ଘର ନିର୍ମାଣ ନିମ୍ନମାନର । ଝରକା ଓ ଶୌଚାଳୟ ଆଦି ନାହିଁ ।  ୯ଟି ଜିଲ୍ଲାକୁ ଆଦୌ ଘର ଦିଆଯାଇନାହିଁ । ଝାରସୁଗୁଡ଼ାକୁ ମାତ୍ର ୪ଟି ଘର ମିଳିଛି ।  ତେବେ ଆବାସ ଦୁର୍ନୀତି ପ୍ରତିବାଦରେ ଆସନ୍ତା ୭, ୮ ଓ ୯ ତାରିଖରେ ବିଜେପି ଆନେ୍ଦାଳନ କରିବ ବୋଲି ରାଜ୍ୟ ବିଜେପି ସଭାପତି ସମୀର ମହାନ୍ତି କହିଥିଲେ । 

Powered by Froala Editor