୯ଟା ସୁଦ୍ଧା ୮.୧୦% ମତଦାନ ରେକର୍ଡ
ନୂଆଦିଲ୍ଲୀ: ଭୋଟ ଦେଉଛି ଦିଲ୍ଲୀ । ୭୦ ବିଧାନସଭା ଆସନରେ ଗୋଟିଏ ପର୍ୟ୍ୟାୟରେ ଦିଲ୍ଲୀରେ ଭୋଟ୍ ଗ୍ରହଣ ଜାରି ରହିଛି । ଦିଲ୍ଲୀ ନିର୍ବାଚନ ପର୍ବରେ ସାମିଲ ହୋଇଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ରାଜେନ୍ଦ୍ର ପ୍ରସାଦ କେନ୍ଦ୍ରୀୟ ବିଦ୍ୟାଳୟ ଭୋଟିଂ କେନ୍ଦ୍ରରେ ମତଦାନ ସାବ୍ୟସ୍ତ କରିଛନ୍ତି ମହାମହିମ ଦ୍ରୌପଦୀ ମୁର୍ମୁ ।
ସକା ୭ଟାରୁ ଦିଲ୍ଲୀରେ ଭୋଟିଂ ଆରମ୍ଭ ହୋଇଛି । ସନ୍ଧ୍ୟା ୬ଟା ଯାଏ ମତଦାନ ଗ୍ରହଣ ହେବ । ସକାଳ ୯ଟା ସୁଦ୍ଧା ୮.୧୦% ମତଦାନ ରେକର୍ଡ ହୋଇଛି ।
ପ୍ରକାଶ ଥାଉ କି, ୭୦ ବିଧାନସଭା ଆସନରେ ଗୋଟିଏ ପର୍ୟ୍ୟାୟରେ ଦିଲ୍ଲୀରେ ଭୋଟ୍ ଗ୍ରହଣ ଚାଲିଛି । ନିର୍ବାଚନୀ ମୈଦାନରେ ୬୯୯ ପ୍ରାର୍ଥୀ ରହିଛନ୍ତି । ସକାଳ ୭ଟାରୁ ଧାଡିରେ ରହି ଭୋଟ୍ ଦେଉଛନ୍ତି ଭୋଟର । ଏକ କୋଟିରୁ ଅଧିକ ଭୋଟର ସେମାନଙ୍କ ନେତା ବାଛୁଛନ୍ତି । କଡା ସୁରକ୍ଷା ମଧ୍ୟରେ ଭୋଟ୍ ଗ୍ରହଣ ଚାଲିଛି । ଶୃଙ୍ଖଳିତ ମତଦାନ ପାଇଁ ୩୫ ହଜାରରୁ ଅଧିକ ପୋଲିସ ମୁତୟନ ହୋଇଛନ୍ତି । ଶାସକ ଆପ୍ ବିଜେପି ଓ କଂଗ୍ରେସ ମଧ୍ୟରେ ତ୍ରିକୋଣୀୟ ଲଢେଇ ଦେଖିବାକୁ ମିଳିବ ।
Powered by Froala Editor
