ଜଣେ ମହିଳାଙ୍କୁ ତାଙ୍କ ଶାଶୁଘର ଲୋକେ ଉଲଗ୍ନ କରି ନିର୍ଧୂମ ପିଟିବା ସହ ଲୁହା ରଡ୍‌ରେ ଚେଙ୍କ ଦେଇଥିବା ଅଭିଯୋଗ ହୋଇଛି। ସାମାନ୍ୟ ସନ୍ଦେହରୁ ବୋହୂକୁ ଉଲଗ୍ନ କରି ରାତି ସାରା ପିଟିବା ସହ ତା’ ଦେହରେ ଲୁହା ରଡ ଚେଙ୍ଗ ଦେଇଛନ୍ତି। ସେତିକିରେ ମନ ଶାନ୍ତି ନ ହେବାରୁ ବୋହୂର ପ୍ରାଇଭେଟ ପାର୍ଟରେ ଲଙ୍କା ଗୁଣ୍ଡ ଭର୍ତ୍ତି କରିବା ପରି ହୀନ ଆଚରଣ ବି କରିଛନ୍ତି। ଘଟଣା ମଧ୍ୟପ୍ରଦେଶ ରାଜଗଡ଼ରେ ଘଟିଥିବା ବେଳେ ଏନେଇ ପୀଡ଼ିତା ଥାନାର ଦ୍ୱାରସ୍ଥ ହୋଇଛନ୍ତି।

ମହିଳା ଅଭିଯୋଗରେ ଦର୍ଶାଇଛନ୍ତି ଯେ, ଶାଶୁଘର ଲୋକେ ତାଙ୍କ ପ୍ରାଇଭେଟ୍‌ ପାର୍ଟରେ ଗରମ ଲୁହା ରଡ୍‌ରେ ଚେଙ୍କ ଦେବା ସହ ଲଙ୍କାଗୁଣ୍ଡ ଭର୍ତ୍ତି କରିଦେଇଛନ୍ତି। ସ୍ବାମୀ, ନଣନ୍ଦ, ଶାଶୁ ଏବଂ ଶ୍ୱଶୁର ତାଙ୍କୁ ପ୍ରାୟ ଦୁଇ ଘଣ୍ଟା ଧରି ଏପରି ଅତ୍ୟାଚାର କରିଥିଲେ। ତାଙ୍କୁ ଉଲଗ୍ନ କରି ପିଟିବା ସହ ଶାଶୁ ତାଙ୍କ ପ୍ରାଇଭେଟ୍‌ ପାର୍ଟରେ ଲୁହା ରଡ୍‌ରେ ଚେଙ୍କ ଦେଇ ଲଙ୍କାଗୁଣ୍ଡ ଲଗାଇ ଦେଇଥିଲେ। ଏହି ଘଟଣା ଡିସେମ୍ବର ୧୩ରେ ଘଟିଥିଲା। ଯାହା ଏବେ ସାମ୍ନାକୁ ଆସିଛି।

ଅଭିଯୋଗ ଅନୁଯାୟୀ, ରୋହିତ ରୁହେଲା ନାମକ ଜଣେ ଯୁବକ ମହିଳାଙ୍କ ଘରକୁ କୌଣସି ସାମଗ୍ରୀ ମାଗିବାକୁ ଆସିଥିଲେ। ଯେତେବେଳେ ପୀଡ଼ିତା ତାଙ୍କୁ ଫାଟକ ନିକଟରେ ଅପେକ୍ଷା କରିବାକୁ କହିଥିଲେ। ସେତେବେଳେ ସେ କବାଟ ବନ୍ଦ କରି ତାଙ୍କ କୋଠରିରେ ପ୍ରବେଶ କରି ତାଙ୍କୁ ଅସଦାଚରଣ କରିବାକୁ ଉଦ୍ୟମ କରିଥିଲେ। ଏହି ସମୟରେ ତାଙ୍କ ନଣନ୍ଦ କୋଠରି ଭିତରକୁ ପ୍ରବେଶ କରିବାରୁ ଯୁବକ ଜଣକ ପଳାଇ ଯାଇଥିଲେ।

ଏହାପରେ ଉକ୍ତ ଯୁବକଙ୍କ ସହ ଅନୈତିକ ସମ୍ପର୍କ ଥିବା ସନ୍ଦେହରେ ଶାଶୁ, ଶ୍ୱଶୁର,  ସ୍ବାମୀ ଓ ନଣନ୍ଦ ପ୍ରବଳ ଗାଳିଗୁଲଜ କରିଥିଲେ । ଏହାପରେ ସେମାନେ ଉଲଗ୍ନ କରି ରାତି ସାରା ବିଧା, ଗୋଇଠା ମାରିବା ସହ ବାଡ଼ିରେ ପିଟିଥିଲେ।

Powered by Froala Editor