କନଷ୍ଟେବଳଙ୍କ ଉପରେ ମାଡ଼ିଗଲା ଡ୍ରଗ୍ସ ଭର୍ତ୍ତି ଟ୍ରକ୍
ଆସାମର ଶ୍ରୀଭୂମି ଜିଲ୍ଲାରେ ଏକ ଡ୍ରଗ୍ଦ ଭର୍ତ୍ତ ଟ୍ରକ ଚାଳକ କନଷ୍ଟେବଳଙ୍କୁ ଧକ୍କା ଦେଇଥିଲା। ଦୁର୍ଘଟଣାରେ କନଷ୍ଟେବଳ ଉଜ୍ଜ୍ୱଳ ବୋରାଙ୍କ ମୃତ୍ୟୁ ହୋଇଯାଇଛି। ପୁଲିସ୍ ଅଧିକାରୀଙ୍କ ସୂଚନା ଅନୁଯାୟୀ, ସନ୍ଦିଗ୍ଧ ଡ୍ରଗ୍ସ ମାଫିଆଙ୍କୁ କାବୁ କରାଯିବା ପରେ ସେ ପୁଲିସ୍ କବଳରୁ ମୁକୁଳିବାକୁ ଉଦ୍ୟମ କରୁଥିଲେ। ଏହି ସମୟରେ ସେ କନଷ୍ଟେବଳଙ୍କ ଉପରେ ଗାଡ଼ି ମଡ଼ାଇ ଦେଇଥିଲେ। ତୁରନ୍ତ ଗୁରୁତର ଅବସ୍ଥାରେ କନଷ୍ଟେବଳ ଉଜ୍ଜ୍ୱଳ ବୋରାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
କନଷ୍ଟେବଳ ଉଜ୍ଜ୍ୱଳ ବୋରା ୨୦୨୨ ମସିହାରେ ପୁଲିସ୍ ସେବାରେ ଭର୍ତ୍ତି ହୋଇଥିଲେ। ଚାକିରିରେ ଯୋଗ ଦେବାପରେ ଶ୍ରୀଭୂମି ଜିଲ୍ଲାରେ ତାଙ୍କର ପ୍ରଥମ ପୋଷ୍ଟିଂ ହୋଇଥିଲା।ଚାକିରି କରିବାର ମାତ୍ର ୨ ବର୍ଷରେ ତାଙ୍କର ଏପରି ମୃତ୍ୟୁକୁ ପରିବାର ଲୋକେ ସହଜେ ଗ୍ରହଣ କରି ପାରୁ ନାହାନ୍ତି।
ପୁଲିସ୍ ଫେରାର ହୋଇଯାଇଥିବା ଟ୍ରକ୍ର ପିଛା କରି ଦୁର୍ଘଟଣା ଘଟାଇଥିବା ଡ୍ରାଇଭର ଓ ହେଲପରଙ୍କୁ ଗିରଫ କରିଛି। ଏଥିସହ ଜବତ ହୋଇଥିବା ଟ୍ରକ୍ରୁ ପୁଲିସ ୪ କୋଟିରୁ ଅଧିକ ମୂଲ୍ୟର ମାଦକ ଦ୍ରବ୍ୟ ଜବତ କରିଛି।
Powered by Froala Editor
