ଟଙ୍କା ମାଗି ମାଗି ପତ୍ନୀ କରୁଥିଲା ଟର୍ଚର୍ : ୨୪ ପୃଷ୍ଠାର ସୁଇସାଇଡ୍ ନୋଟ୍ ଲେଖି ଫ୍ଲାଟରେ ଝୁଲି ପଡ଼ିଲେ ସ୍ୱାମୀ
ଦିନକୁ ଦିନ ସ୍ତ୍ରୀଙ୍କ ନିର୍ଯ୍ୟାତନା ବଢିବାରେ ଲାଗିଥିଲା। ପତ୍ନୀ ମାମଲା ରୁଜୁ କରି ଟଙ୍କା ମାଗି ଚାଲିଥିଲେ। ଜଣେ ମହିଳା ବିଚାରପତି ମଧ୍ୟ ସ୍ତ୍ରୀଙ୍କୁ ଘରୋଇ ହିଂସା ମାମଲାରେ ସହାୟତା କରୁଥିଲେ। ଏପରିକି ପତ୍ନୀଙ୍କ ସହ ପରିବାର ଲୋକ ମଧ୍ୟ ହାତ ମିଳାଇଥିଲେ। ସହିବାର ସୀମା ଏତେ ବଢି ଯାଇଥିଲା ଯେ ବେଙ୍ଗାଲୁରୁରେ ରହୁଥିବା ଜଣେ ୩୪ ବର୍ଷୀୟ ବ୍ୟକ୍ତି ନିଜ ଫ୍ଲାଟରେ ନିଜ ଜୀବନ ହାରି ଦେଇଛନ୍ତି।
ବ୍ୟକ୍ତି ଜଣଙ୍କ ହେଉଛନ୍ତି ୩୪ ବର୍ଷୀୟ ଅତୁଲ ସୁଭାଷ। ତାଙ୍କ ଘର ବିହାରରେ। ସେ ବେଙ୍ଗାଲୁରୁର ଗୋଟିଏ ଘରୋଇ କମ୍ପାନୀରେ କାମ କରୁଥିଲେ। ମଞ୍ଜୁନାଇ ଲେଆଉଟ ଅଞ୍ଚଳରେ ଥିବା ଫ୍ଲାଟରେ ସେ ରହୁଥିଲେ। ଉକ୍ତ ଫ୍ଲାଟରୁ ଅତୁଲଙ୍କ ଝୁଲନ୍ତା ମୃତଦେହ ପୋଲିସ ଉଦ୍ଧାର କରିଛି। ମୃତ୍ୟୁ ପୂର୍ବରୁ ଅତୁଲ ୨୪ ପୃଷ୍ଠାର ସୁଇସାଇଡ ନୋଟକୁ ଇ-ମେଲ ଜରିଆରେ ଏକାଧିକ ଲୋକଙ୍କୁ ପଠାଇଛନ୍ତି। ସେ ଯେଉଁ ଏନଜିଓ ସଂସ୍ଥା ସହ ଥିଲେ, ତା’ର ହ୍ବାଟସଆପ ଗ୍ରୁପରେ ମଧ୍ୟ ସେ ସୁଇସାଇଡ ନୋଟ ଓ ରେକର୍ଡିଂ ଭିଡିଓ ଶେୟାର କରିଛନ୍ତି। ସବୁଠୁ ଆଶ୍ଚର୍ଯ୍ୟକର କଥା ହେଉଛି ତାଙ୍କର ଏହି ଶେଷ ପୋଷ୍ଟରେ ସେ ଟ୍ରମ୍ପଙ୍କ ସହ ଏଲନ ମସ୍କଙ୍କୁ ଟ୍ୟାଗ୍ କରିଛନ୍ତି।
୨୪ ପୃଷ୍ଠାର ସୁଇସାଇଡ ନୋଟ ମଧ୍ୟରୁ ୪ ପୃଷ୍ଠା ହାତରେ ଲେଖାଯାଇଥିବା ବେଳେ ବାକି ୨୦ ପୃଷ୍ଠା ଟାଇପ ହୋଇଛି। ଏହା ଉପରେ ନ୍ୟାୟ ବାକି ରହିଛି ବୋଲି ଲେଖାଯାଇଛି। ସେ ତାଙ୍କ ନୋଟରେ ନିଜର ସ୍ତ୍ରୀ, ତାଙ୍କ ମା’, ଭାଇ ଓ ଦାଦାଙ୍କୁ ମୃତ୍ୟୁ ପାଇଁ ଦାୟୀ କରିଛନ୍ତି। ସେମାନେ ସମସ୍ତେ ତାଙ୍କୁ ନିର୍ଯ୍ୟାତନା ଦେଉଥିବା ଅତୁଲ ଅଭିଯୋଗ କରିଛନ୍ତି।
ସୂଚନାଥାଉ କି, ୨୦୧୯ରେ ସେ ମ୍ୟାଟ୍ରିମୋନିଆଲ ୱେବସାଇଟ ଜରିଆରେ ପ୍ରସ୍ତାବ ଠିକ୍ ହେବା ପରେ ସେ ବିବାହ କରିଥିଲେ। ଗୋଟିଏ ବର୍ଷ ପରେ ତାଙ୍କର ପୁଅ ଜନ୍ମ ହୋଇଥିଲା। ତେବେ ସମୟକ୍ରମେ ସ୍ତ୍ରୀଙ୍କ ପରିବାର ଲୋକ ଅତୁଲଙ୍କୁ ଟଙ୍କା ମାଗି ଚାଲିଥିଲେ। ସେ ଟଙ୍କା ଦେବାକୁ ମନା କରିବାରୁ ସ୍ତ୍ରୀ ୨୦୨୧ ମସିହାରେ ପୁଅକୁ ଧରି ବେଙ୍ଗାଲୁରୁୁ ଚାଲି ଯାଇଥିଲେ। ଏହାପରେ ନିର୍ଯ୍ୟାତନା ସୀମା ଏତେ ବଢି ଯାଇଥିଲା। ଏବଂ ୩କୋଟି ଟଙ୍କା ଚାର୍ଜ କରିଥିଲେ।
ପତ୍ନୀ ଯେଉଁ କୋର୍ଟରେ ମାମଲା କରିଥିଲେ, ସେଠାକାର ମହିଳା ବିଚାରପତି ମଧ୍ୟ ଅତୁଲଙ୍କୁ ହଇରାଣ କରୁଥିବା ସେ ରେକର୍ଡ କରିଥିବା ଭିଡିଓରେ କହିଛନ୍ତି। ମାମଲାର ୨ ବର୍ଷ ମଧ୍ୟରେ କୋର୍ଟ ୧୨୦ ଥର ଏହାର ଶୁଣାଣି କରିଥିଲେ। ଏଥିପାଇଁ ଅତୁଲଙ୍କୁ ବାରମ୍ବାର ବେଙ୍ଗାଲୁରୁର ଜଉନପୁରରୁ ଯିବାକୁ ପଡ଼ୁଥିଲା। ହେଲେ ମାମଲାର ସାମାଧାନ ବିଚାରପତି କରୁ ନଥିବା ଅଭିଯୋଗ ହୋଇଛି।
Powered by Froala Editor
