ନୂଆଦିଲ୍ଲୀ:ମାଗଣାରେ ମିଳିବ ପାଞ୍ଚ ଲକ୍ଷ ଟୁରିଷ୍ଟ ଭିସା।କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସୋମବାର କୋଭିଡ ମହାମାରୀ ଏବଂ ଦୁର୍ବଳ ହୋଇ ପଡିଥିବା କେତେକ କ୍ଷେତ୍ର ପାଇଁ ସରକାର ଆଠଟି ରିଲିଫ ଯୋଜନା ଘୋଷଣା କରିଛନ୍ତି। ଏହି ଯୋଜନା ମାର୍ଚ୍ଚ ୩୧, ୨୦୨୨ ପର୍ୟ୍ୟନ୍ତ ଚାଲିବ କିମ୍ବା ପ୍ରଥମ ପାଞ୍ଚ ଲକ୍ଷ ଟୁରିଷ୍ଟ ଭିସା ପ୍ରଦାନ ହେବା ପର୍ୟ୍ୟନ୍ତ ଚାଲିବ। ସୀତାରମଣ କହିଛନ୍ତି ଯେ ପ୍ରତ୍ୟେକ ପର୍ୟ୍ୟଟକ କେବଳ ଥରେ ଏହି ଯୋଜନାର ଲାଭ ପାଇପାରିବେ।ଅର୍ଥମନ୍ତ୍ରୀ କହିଛନ୍ତି ଏହି ଯୋଜନାର ସରକିର ମୋଟ ₹ ୧୦୦ କୋଟି ଖର୍ଚ୍ଚ କରିବେ। ମହାମାରୀର ଦ୍ବାରା ପ୍ରଭାବିତ ହୋଇଥିବା କ୍ଷେତ୍ରଗୁଡିକ ମଧ୍ୟରେ ଭ୍ରମଣ ଏବଂ ପର୍ୟ୍ୟଟନ କ୍ଷେତ୍ର ଅନ୍ୟତମ। ଯେଉଁ ରାଜ୍ୟମାନଙ୍କ ପାଇଁ ପର୍ୟ୍ୟଟନ ଏକ ବଡ଼ ରୋଜଗାର ଅଟେ ଯଥା - ଗୋଆ ଏବଂ କେରଳ ଭଳି - ହଜାର ହଜାର କୋଟି କ୍ଷତି ହୋଇଥିବା ରିପୋର୍ଟ କରିଛନ୍ତି। ଗତ ବର୍ଷ ମେ ମାସ ଆରମ୍ଭରେ (ସରକାର ପର୍ୟ୍ୟଟନ ଭିସା ପ୍ରଦାନକୁ ସ୍ଥଗିତ ରଖିବା ପରେ), ସେତେବେଳେ କେରଳ ପର୍ୟ୍ୟଟନ ମନ୍ତ୍ରୀ କାଦାକମ୍ପାଲି ସୁରେନ୍ଦ୍ରନ୍ କହିଥିଲେ ଯେ ରାଜ୍ୟ ଆନୁମାନିକ ୧୫,୦୦୦ କୋଟି କ୍ଷତି ସହିଛି। କରୋନା ମାଡରେ ଏହି କ୍ଷେତ୍ର ଉପରେ ପଡିଥିବା ପ୍ରଭାବକୁ ବର୍ଣ୍ଣନା କରିବାକୁ ନିର୍ମଳା ସୀତାରମଣ କହିଛନ୍ତି ଯେ ୨୦୧୯ ରେ ୧୦.୯୩ ନିୟୁତ ପର୍ୟ୍ୟଟକ ଭାରତ ପରିଦର୍ଶନରେ ଆସିଥିଲେ ଏବଂ ଅବକାଶ ଏବଂ ବ୍ୟବସାୟ ପାଇଁ ପ୍ରାୟ ୩୧ ବିଲିୟନ ଆମେରିକୀୟ ଡଲାର ଖର୍ଚ୍ଚ କରିଥିଲେ।

Powered by Froala Editor