ଚଳନ୍ତା ବିମାନରୁ ଡେଇଁ ପଡ଼ି ଯାତ୍ରୀ ଆହତ
ନୁ୍ୟୟର୍କ : ଯୁକ୍ତରାଷ୍ଟ୍ର ଆମେରିକାର ଲସ ଏଞ୍ଜେଲସ ଅନ୍ତର୍ଜାତୀୟ ବିମାନ ବନ୍ଦରରେ ଶୁକ୍ରବାର ରାତିରେ ଜଣେ ଯାତ୍ରୀ ବିମାନ ବାହାରକୁ ଡେଇଁପଡି ଆହତ ହୋଇଛନ୍ତି । ସମ୍ପୃକ୍ତ ଯାତ୍ରୀ ଜଣକ ପ୍ରଥମେ ବିମାନର କକପିଟ ଭିତରକୁ ପ୍ରବେଶ କରିବାକୁ ଉଦ୍ୟମ କରିଥିଲେ । ସେଥିରେ ବିଫଳ ହେବାରୁ ସେ ବିମାନର ଜରୁରୀ କାଳୀନ ଗେଟ ବାଟେ ବାହାରକୁ ଡେଇଁ ପଡ଼ିଥିଲେ । ପିଚୁ ଉପରେ ପଡ଼ିଯିବା ଦ୍ୱାରା ସେ ଆହତ ହୋଇଛନ୍ତି । ତାଙ୍କୁ ଟ୍ୟାକ୍ସିୱେରେ ଅଟକ ରଖାଯିବା ସହିତ ଡାକ୍ତରଖାନାକୁ ଚିକିତ୍ସା ପାଇଁ ନିଆଯାଇଥିଲା । ସ୍କାଏୱେଷ୍ଟ ଏୟାରଲାଇନ୍ସ ଦ୍ୱାରା ପରିଚାଳିତ ୟୁନାଇଟେଡ ଏକ୍ସପ୍ରେସ ଫ୍ଲାଇଟ ୫୩୬୫ରେ ରାତି ୭ଟା ପରେ ଏହି ଅଘଟଣ ଘଟିଛି । ତେବେ ବିମାନର ଅନ୍ୟ କୌଣସି ଯାତ୍ରୀ ଏଥିରେ ଆହତ ହୋଇନାହାନ୍ତି । ବିମାନର ସଲ୍ଟ ଲେକ ସିଟିକୁ ଯାଉଥିବା ବେଳେ ଏଭଳି ସ୍ଥିତି ଦେଖାଦେଇଥିଲା । ଏଫବିଆଇ ଏହାର ତଦନ୍ତ କରୁଛି ଏବଂ ସମ୍ପୃକ୍ତ ଯାତ୍ରୀଙ୍କୁ ଉଦେ୍ଧଶ୍ୟ ଜାଣିବାକୁ ଉଦ୍ୟମ ଚଳାଇଛି ।
Powered by Froala Editor
