ଏଯାବତ ଶେଷ ହୋଇନି କରୋନାର ଦ୍ୱିତୀୟ ଲହର
ନୂଆଦିଲ୍ଲୀ: ଦେଶରୁ କରୋନାର ଦ୍ୱିତୀୟ ଲହର ଏଯାବତ ଶେଷ ହୋଇନି । ଯଦିଓ ଦେଶର ଏକ ବୃହତ ଅଂଶରେ ଦ୍ୱିତୀୟ ଲହର ସଂକ୍ରମଣ ଦୁର୍ବଳ ହୋଇଛି । କିନ୍ତୁ ଏବେ ବି ଦେଶର ଅନେକ ସ୍ଥାନରେ ସଂକ୍ରମଣ ଅଧିକ ରହିଛି । ଦେଶରେ ଏବେ ୫୬୫ ଜିଲ୍ଲାରେ ଟେଷ୍ଟ ପଜିଟିଭ ହାର ୫ ପ୍ରତିଶତରୁ କମ ରହିଛି । କିନ୍ତୁ ୭୫ ଜିଲ୍ଲାରେ ଟେଷ୍ଟ ପଜିଟିଭ ହାର ୧୦ ପ୍ରତିଶତରୁ ଅଧିକ ରହିଥିବା ବେଳେ ୯୨ ଜିଲ୍ଲାରେ ଏହା ୫-୧୦ ପ୍ରତିଶତ ମଧ୍ୟରେ ରହିଛି । ଇତି ମଧ୍ୟରେ ଆଇସିଏମଆର ଦ୍ୱାରା ଏ ବାବଦରେ ଏକ ଅଧ୍ୟୟନ ହୋଇଛି ଏବଂ ଏହି ଅଧ୍ୟୟନ ଭାରତୀୟ ଚିକିତ୍ସା ଗବେଷଣା ପତ୍ରିକାରେ ପ୍ରକାଶ ପାଇଛି । ଏଥିରୁ ଜଣାପଡ଼ିଛି ଯେ, ଦେଶରେ ତୃତୀୟ ଲହର ଆସିବ କିନ୍ତୁ ଏହା ଦ୍ୱିତୀୟ ଲହର ପରି ଘାତକ ହୋଇନପାରେ । ବିଶେଷଜ୍ଞମାନେ କହିଛନ୍ତି, ଆଗାମୀ ଲହର ଉପରେ ଟିକାକରଣ ଅତି ଗୁରୁତ୍ୱପୂର୍ଣ୍ଣ ପ୍ରଭାବ ପକାଇବ । ଏକ ବିବୃତି ରଖି ଆଇସିଏମଆର ନିଦେ୍ର୍ଧଶକ ଡାକ୍ତର ବଳରାମ ଭାର୍ଗବ କହିଛନ୍ତିି, ଦେଶରେ ଦ୍ୱିତୀୟ ଲହର ଏଯାବତ ସମ୍ପୂର୍ଣ୍ଣ ଶେଷ ହୋଇନି । ୫ ପ୍ରତିଶତରୁ ଅଧିକ ପଜିଟିଭ ହାରଥିବା ଜିଲ୍ଲାମାନଙ୍କରେ ଏବେ ବି ଦ୍ୱିତୀୟ ଲହରର ପ୍ରକୋପ ଜାରି ରହିଛି ।
Powered by Froala Editor
