ବର୍ଣ୍ଣ ବୈଷମ୍ୟ ଉପରେ ଦେଇଥିବା ବୟାନ ଯୋଗୁ ବିବାଦରେ ଥିବା ବରିଷ୍ଠ କଂଗ୍ରେସ ନେତା ସାମ ପିଟ୍ରୋଡା ଇସ୍ତଫା ଦେଇଛନ୍ତି। ସେ କଂଗ୍ରେସର ଇଣ୍ଡିଆନ ଓଭରସିଜ୍‌ ଚେୟାରମ୍ୟାନ ପଦ ଛାଡ଼ି ଦେଇଛନ୍ତି। ସେ ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ପାଖରୁ ଇସ୍ତଫାପତ୍ର ପଠାଇଥିଲେ। ଏହାକୁ କଂଗ୍ରେସ ସଭାପତି ଗ୍ରହଣ କରିଥିବା ଏକ୍ସରେ ସୂଚନା ଦେଇଛନ୍ତି ।

ପିଟ୍ରୋଡାଙ୍କ ବିବାଦୀୟ ମନ୍ତବ୍ୟ ପାଇଁ ଅଡୁଆରେ ପଡ଼ିଥିଲା କଂଗ୍ରେସ। ପିଟ୍ରୋଡା କହିଥିଲେ ଯେ, ପୂର୍ବ ଭାରତର ଲୋକେ ଚୀନ ଏବଂ ଦକ୍ଷିଣ ଭାରତୀୟ ଆଫ୍ରିକାର ନାଗରିକ ଭଳି ଦେଖାଯାଆନ୍ତି । ତେବେ କଂଗ୍ରେସ ମଧ୍ୟ ଏହି ବୟାନରୁ ନିଜକୁ ଦୂରେଇ ରଖିବା ସହ ଏହାକୁ ଦୁର୍ଭାଗ୍ୟପୂର୍ଣ୍ଣ ଏବଂ ଅସ୍ୱୀକାର୍ଯ୍ୟ ବୋଲି କହିଛି । ଏଭଳି ଟିପ୍ପଣୀରୁ ନିଜକୁ ସମ୍ପୂର୍ଣ୍ଣ ଅଲଗା ବୋଲି କହିଛି କଂଗ୍ରେସ ।

ଅନ୍ୟ ପକ୍ଷରେ ଭାରତୀୟ ଜନତା ପାର୍ଟି ପିଟ୍ରୋଡାଙ୍କ ଏହି ଟିପ୍ପଣୀକୁ ନେଇ ତାଙ୍କୁ ଟାର୍ଗେଟ କରିଛି । ଏହାଦ୍ୱାରା ବିପକ୍ଷୀ ଦଳର ବିଭାଜଜନକାରୀ ରାଜନୀତିର ମୁଖା ଖୋଲି ଯାଉଥିବା ମଧ୍ୟ ଦାବି କରିଛି ବିଜେପି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାକୁ ପ୍ରସଙ୍ଗ କରି କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଘେରିଥିଲେ। ବିବାଦ ବଢ଼ୁଥିବାରୁ ସାମ ପିଟ୍ରୋଡା ଆଜି କଂଗ୍ରେସର ଇଣ୍ତିଆନ ଓଭରସିଜ ଅଧ୍ୟକ୍ଷ ପଦରୁ ଇସ୍ତଫା ଦେଇଛନ୍ତି।

Powered by Froala Editor