କେନ୍ଦ୍ରମନ୍ତ୍ରୀ ଜର୍ଜ କୁରିଅନ୍ଙ୍କ ଇସ୍ତଫା
କେନ୍ଦ୍ର ମତ୍ସ୍ୟ ପାଳନ ଏବଂ ସଂଖ୍ୟାଲଘୁ ବ୍ୟାପାର ମନ୍ତ୍ରଣାଳୟର କେନ୍ଦ୍ର ରାଷ୍ଟ୍ରମନ୍ତ୍ରୀ ଜର୍ଜ କୁରିଅନ୍ ନିଜ ପଦରୁ ଇସ୍ତଫା ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସୁପାରିଶ କ୍ରମେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମ୍ବିଧାନର ଧାରା ୭୫(୨) ଅନୁଯାୟୀ, କୁରିଅନ୍ଙ୍କ ଇସ୍ତଫା ପତ୍ରକୁ ମଞ୍ଜୁର କରିଛନ୍ତି । ଏନେଇ ରାଷ୍ଟ୍ରପତି ଭବନ ପକ୍ଷରୁ ଏକ ପ୍ରେସ୍ ବିଜ୍ଞପ୍ତି ଜାରି କରାଯାଇ ସୂଚନା ଦିଆଯାଇଛି ।
ଜର୍ଜ କୁରିଆନ ଜଣେ କେରଳ ବିଜେପି ନେତା। ତାଙ୍କୁ ରାଜ୍ୟ ନିର୍ବାଚନ ପରିପ୍ରେକ୍ଷୀରେ ରାଜ୍ୟ ସଭାକୁ ପଠାଯାଇଥିଲା। ତାଙ୍କର କାର୍ଯ୍ୟକାଳ ଜୁନ ୨୧ରେ ଶେଷ ହୋଇଥିଲା। ବିଜେପି ପୂର୍ବରୁ ସୂଚିତ କରିଥିଲା ଯେ ଏହା ଜର୍ଜ କୁରିଆନଙ୍କୁ ପୁନର୍ବାର ରାଜ୍ୟ ସଭାକୁ ପଠାଇବ ନାହିଁ। ଏହା ବଦଳରେ, ମଧ୍ୟପ୍ରଦେଶରୁ ଭାରତୀୟ ଜନତା ପାର୍ଟିର ସାଧାରଣ ସମ୍ପାଦକ ତରୁଣ ଚୁଗଙ୍କୁ ରାଜ୍ୟ ସଭା ମନୋନୟନ କରାଯାଇଥିଲା।
ଜର୍ଜ କୁରିଅନ୍ ଲୋକସଭା କିମ୍ବା ରାଜ୍ୟସଭା କୌଣସି ବି ସଦନର ସଦସ୍ୟ ନଥିବାରୁ ତାଙ୍କୁ ମନ୍ତ୍ରୀ ପଦ ଛାଡ଼ିବାକୁ ପଡ଼ିଛି । ରାଜନୈତିକ ସମୀକ୍ଷକଙ୍କ ଅନୁଯାୟୀ, କେରଳ ବିଧାନସଭା ନିର୍ବାଚନକୁ ଆଖିରେ ରଖି ବିଜେପି ପକ୍ଷରୁ ଏହି ବଡ଼ ଚାଲ୍ ଖେଳାଯାଇଥିଲା । କେରଳରେ ପ୍ରାୟ ୧୭ ପ୍ରତିଶତ ଖ୍ରୀଷ୍ଟିଆନ ଭୋଟର ଅଛନ୍ତି । ସୁରେଶ ଗୋପୀ ତ୍ରିଶୂର ଆସନରୁ ୭୪,୦୦୦ରୁ ଅଧିକ ଭୋଟ୍ରେ ଜିତି ରାଜ୍ୟରେ ବିଜେପିର ଖାତା ଖୋଲିବା ପଛରେ ଏହି ଖ୍ରୀଷ୍ଟିଆନ ଭୋଟ୍ ବ୍ୟାଙ୍କର ବଡ଼ ହାତ ଥିଲା। ଏହି ଭୋଟରଙ୍କୁ ଏକ ସକାରାତ୍ମକ ବାର୍ତ୍ତା ଦେବା ପାଇଁ କୁରିଅନ୍ଙ୍କୁ କେନ୍ଦ୍ର ମନ୍ତ୍ରୀମଣ୍ଡଳରେ ସ୍ଥାନ ମିଳିଥିଲା ।
Powered by Froala Editor
