ବସ୍ ଓଲଟି ୨୧ ଯବାନ ଆହତ, ନିର୍ବାଚନ ଡ୍ୟୁଟି ସାରି ଫେରୁଥିଲେ
ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ହୋମଗାର୍ଡ ଓ ପୁଲିସ କର୍ମଚାରୀ ସମତେ ୪୦ଜଣ ଯବାନଙ୍କୁ ନେଇ ଆସୁଥିବା ଏକ ବସ୍ ବୈତୁଲ ନିକଟରେ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ୨୧ ଜଣ ଯବାନ ଆହତ ହୋଇଛନ୍ତି। ଆହତଙ୍କ ମଧ୍ୟରୁ ୮ ଜଣଙ୍କ ଅବସ୍ଥା ଗୁରୁତର ରହିଛି । ସେମାନଙ୍କୁ ବୈତୁଲ ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଛି। ଅନ୍ୟମାନଙ୍କ ଶାହପୁର ହସ୍ପିଟାଲରେ ଚିକିତ୍ସା ଚାଲିଛି।
ଶନିବାର ସକାଳ ପ୍ରାୟ ୪.୧୫ ସମୟରେ ଭୋପାଳ-ବୈତୁଲ ଜାତୀୟ ରାଜପଥର ବରୋଥା ଘାଟ ନିକଟରେ ଏହି ଦୁର୍ଘଟଣା ଘଟିଥିଲା। ଦୁର୍ଘଟଣାଗ୍ରସ୍ତ ବସରେ ରାଜଗଡ ଜିଲ୍ଲାର ୫ଜଣ ପୁଲିସ କର୍ମଚାରୀ ଓ ହୋମଗାର୍ଡ ରହିଥିଲେ। ଏ ସମସ୍ତେ ଛିନ୍ଦୱାଡାରୁ ନିର୍ବାଚନ ଡ୍ୟୁଟି ସାରି ରାଜଗଡକୁ ଫେରୁଥିଲେ, କିନ୍ତୁ ବୈତୁଲ ନିକଟରେ ଏକ ଟ୍ରକ ସହିତ ସେମାନଙ୍କ ବସ ଦୁର୍ଘଟଣାର ସମ୍ମୁଖୀନ ହୋଇଥିଲା। ଭୋପାଳ-ବୈତୁଲ ଜାତୀୟ ରାଜପଥର ବରୋଥା ଘାଟରେ ସାମ୍ନା ପଟୁ ଆସୁଥିବା ଏକ ଟ୍ରକ୍ ସହ ଧକ୍କା ହୋଇଯିବା ଭୟରେ ବସ୍ଟି ନିୟନ୍ତ୍ରଣ ହରାଇ ଓଲଟି ପଡିଥିଲା।
Powered by Froala Editor
