ଭୁବନେଶ୍ୱର : କରୋନା ପାଇଁ ପରୀକ୍ଷା ବାତିଲ ହେବା ପରେ ମେଧାବୀ ଛାତ୍ରଛାତ୍ରୀ ଓ ତାଙ୍କର ଅଭିଭାବକମାନେ ଏବେ ଚିନ୍ତାରେ  । କେବେ ଯୁକ୍ତ ଦୁଇ ପରୀକ୍ଷା ଫଳ ପ୍ରକାଶ ପାଇବ, କେମିତି ପିଲାମାନଙ୍କର ମୂଲ୍ୟାୟନ କରାଯିବ ସେନେଇ ଚିନ୍ତାରେ ପଡ଼ିବା ସ୍ୱାଭାବିକ  । ତେବେ ଧିରେଧିରେ ମୂଲ୍ୟାୟନର ମାନଦଣ୍ଡ ସ୍ପଷ୍ଟ ହେବାରେ ଲାଗିଛି  । ଏନେଇ ଗଠିତ ବିଶେଷଜ୍ଞ କମିଟି ଖୁବଶୀଘ୍ର ସିବିଏସଇକୁ ରିପୋର୍ଟ ପ୍ରଦାନ କରିବେ ବୋଲି ଜାଣିବାକୁ ମିଳିଛି  ।

ସୁପ୍ରିମକୋର୍ଟରେ ସିବିଏସଇ ଦ୍ୱାଦଶ ଶ୍ରେଣୀ ମୂଲ୍ୟାୟନ ସଂକ୍ରାନ୍ତରେ ସୂଚନା ଦେଇଛନ୍ତି  । ସିବିଏସଇ ଯେଭଳି ମୂଲ୍ୟାୟନରେ ମାଟ୍ରିକ ପରୀକ୍ଷା ଫଳକୁ ସାମିଲ କରିଛି ଠିକ ସେଭଳି ଯୁକ୍ତ ଦୁଇ ମୂଲ୍ୟାୟନ ବେଳେ ମାଟ୍ରିକ ପରୀକ୍ଷା ଫଳକୁ ବି ବିଚାରକୁ ନିଆଯିବ  ।

ସୂଚନାଯୋଗ୍ୟଯେ, ଜୁଲାଇ ୩୧ ସୁଦ୍ଧା ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶ ପାଇବ  । ଏନେଇ ସିବିଏସଇ ପକ୍ଷରୁ ସୁପ୍ରିମକୋର୍ଟଙ୍କୁ ଅବଗତ କରାଯାଇଛି  । ଅପରପକ୍ଷରେ ପରୀକ୍ଷା ଫଳ କେଉଁ ଆଧାରରେ ହେବ ସେ ସଂକ୍ରାନ୍ତରେ ବି ସବିଶେଷ ତଥ୍ୟ ଦିଆଯାଇଛି  । ଫଳରେ ଅଭିଭାବକ ଓ ଛାତ୍ରଛାତ୍ରୀଙ୍କ ମନରେ ଥିବା ଦ୍ୱନ୍ଦ୍ୱ ଦୂରୀଭୂତ ହୋଇପାରିଛି  । 

ସିବିଏସଇର ସୂଚନା ଅନୁଯାୟୀ ୩୦ : ୩୦ : ୪୦ ଅନୁପାତରେ ଦ୍ୱାଦଶ ଶ୍ରେଣୀର ମୂଲ୍ୟାୟନ କରାଯିବ  । ଅର୍ଥାତ ଦଶମ ଶ୍ରେଣୀ ପରୀକ୍ଷାର ନମ୍ବରକୁ ୧୦%, ଏକାଦଶ ଶ୍ରେଣୀ ପରୀକ୍ଷାକୁ ୩୦% ଓ ଦ୍ୱାଦଶ ଶ୍ରେଣୀ ପ୍ରିବୋଡର଼୍ ନମ୍ବରକୁ ୪୦ ପ୍ରତିଶତ ଗୁରୁତ୍ୱ ଦିଆଯିବ  । ସିବିଏସଇ ପକ୍ଷରୁ ଗଠିତ ୧୩ ଜଣିଆ ବିଶେଷଜ୍ଞ କମିଟି ଏହି ଫର୍ମୂଲା ସପକ୍ଷରେ ଥିବାବେଳେ ଏସଂକ୍ରାନ୍ତରେ ସୁପ୍ରିମକୋର୍ଟଙ୍କୁ ଅବଗତ କରାଯାଇଛି  ।

Powered by Froala Editor