ତାମିଲନାଡୁର ମଦୁରେ ଜିଲ୍ଲାରେ ପୋଙ୍ଗଲ ମହୋତ୍ସବ ସମୟରେ ରାଜ୍ୟର ଭିନ୍ନ ଭିନ୍ନ ଅଂଚଳରେ ଜଲିକଟ୍ଟୁ ଆୟୋଜିତ ହୋଇଛି। ଏହି ଜଲିକଟ୍ଟୁ ସମୟରେ ଜଣେ ସବ-ଇନ୍ସପେକ୍ଟରଙ୍କ ସମେତ ୩୬ଜଣ ଆହତ ହୋଇଛନ୍ତି। ଆହତ ହୋଇଥିବା ୩୬ଜଣଙ୍କ ମଧ୍ୟରୁ ୬ଜଣଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି।

ତାମିଲନାଡୁରେ ଏବେ ପୋଙ୍ଗଲ ଉତ୍ସବ ପାଳନ କରାଯାଉଛି। ସେପଟେ ମଦୁରେ ଜିଲ୍ଲାର ଅବିନିୟାପୁରରେ ସୋମବାର ଷଣ୍ଢକୁ କାବୁ କରିବା ଖେଳ ଜଲିକଟ୍ଟୁ ଆରମ୍ଭ ହୋଇଛି। ତେବେ ଆରମ୍ଭ ଦିନ ହିଁ ଏହି ଖେଳରେ  ୩୬ରୁ ଅଧିକ ଲୋକ ଆହତ ହୋଇଛନ୍ତି। ଷଣ୍ଢକୁ କାବୁ କରିବାକୁ ଯାଇ ପୁଲିସ କର୍ମୀଙ୍କ ସମେତ  ୩୬ ଜଣ ଆହତ ହୋଇଛନ୍ତି। ସମସ୍ତ ଆହତଙ୍କୁ ରାଜାଜୀ ହସ୍ପିଟାଲକୁ ସ୍ଥାନାନ୍ତର କରାଯାଇଛି।

୨୦୨୪ର ପ୍ରଥମ ବଡ଼ ଜଲିକଟ୍ଟୁ ଅବନିୟାପୁରମରେ ଆରମ୍ଭ ହୋଇଯାଇଛି। ଆୟୋଜନ ପାଇଁ ୧୦୦ଟି ଷଣ୍ଢ ଓ ୬୦୦ଜଣଙ୍କୁ କାବୁ କରିବା ପାଇଁ ପଞ୍ଜିକରଣ କରାଯାଇଥିଲା। ଜିଲ୍ଲାପାଳ ସଙ୍ଗୀତାଙ୍କ ଉପସ୍ଥିତିରେ ଶପଥଗ୍ରହଣ ପରେ ସକାଳୁ ୮ଟାରେ ଏହି କାର୍ଯ୍ୟକ୍ରମ ଆରମ୍ଭ ହୋଇ ୪ଟାରେ ଶେଷ ହୋଇଛି। ଏହା ଆସନ୍ତା ତିନି ଦିନ ଯାଏଁ ଚାଲିବ।

ସୂଚନାଯୋଗ୍ୟ, ଏହାପୂର୍ବରୁ ତାମିଲନାଡୁର ପୁଦୁକ୍କୋଟ୍ଟଇରେ ଜଳିକଟ୍ଟୁ ଖେଳ ବେଳେ ୨୯ ଜଣ ଲୋକେ ଆହତ ହୋଇଥିଲେ। ପୂର୍ବରୁ ମଧ୍ୟ ବିଭିନ୍ନ ସ୍ଥାନରେ ଏହି ଖେଳରେ ଅନେକ ଜୀବନ ଯାଇଛି। ଷଣ୍ଢକୁ କାବୁ କରିବାକୁ ଯାଇ ଲୋକେ ପ୍ରାଣ ହରାଇଛନ୍ତି। 

Powered by Froala Editor