ମେହବୁବା ମୁଫତିଙ୍କ ଗାଡ଼ି ଦୁର୍ଘଟଣାଗ୍ରସ୍ତ, ପୋଲିସ କର୍ମଚାରୀ ଆହତ
![ମେହବୁବା ମୁଫତିଙ୍କ ଗାଡ଼ି ଦୁର୍ଘଟଣାଗ୍ରସ୍ତ, ପୋଲିସ କର୍ମଚାରୀ ଆହତ](https://odishanewslens.com/news_gallery/27244_1705003551.jpg)
ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିଡିପି ମୁଖ୍ୟ ମେହବୁବା ମୁଫତିଙ୍କ କାର ଏକ ଦୁର୍ଘଟଣାର ସମ୍ମୁଖୀନ ହୋଇଛି । ସେ ଅନନ୍ତନାଗ ଅଭିମୁଖେ ଯାଉଥିବା ବେଳେ ତାଙ୍କ ଗାଡ଼ି ଦୁର୍ଘଟଣାଗ୍ରସ୍ତ ହୋଇଥିଲା। ତେବେ ଏହି ଦୁର୍ଘଟଣାରେ ମେହବୁବା ମୁଫ୍ତି ଆହତ ହୋଇନାହାନ୍ତି। ତାଙ୍କ ବ୍ୟକ୍ତିଗତ ସୁରକ୍ଷା ପାଇଁ ନିୟୋଜିତ ଜଣେ ପୋଲିସ କର୍ମଚାରୀ ଏହି ଦୁର୍ଘଟଣାରେ ସାମାନ୍ୟ ଆହତ ହୋଇଛନ୍ତି ।
ଏହି ଦୁର୍ଘଟଣା ସମ୍ପର୍କରେ ସୂଚନା ଦେଇ ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ର ମିଡିଆ ସେଲ୍ କହିଛି ଯେ ପିଡିପି ମୁଖ୍ୟ ମେହବୁବା ମୁଫତିଙ୍କ କାର ଜାମ୍ମୁ କାଶ୍ମୀରର ଅନନ୍ତନାଗକୁ ଯାଉଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇଛି। ପୂର୍ବତନ ମୁଖ୍ୟମନ୍ତ୍ରୀ ଏବଂ ତାଙ୍କ ସୁରକ୍ଷା ଅଧିକାରୀମାନେ ଲୌଣସି ଗୁରୁତର ଆହତ ନହୋଇ ସୁରକ୍ଷିତ ଅଛନ୍ତି । ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀଙ୍କ କାର ସାଙ୍ଗାମରେ ଅନ୍ୟ ଏକ ଗାଡି ସହିତ ଧକ୍କା ହୋଇଥିଲା ।
ପୂର୍ବତନ ସିଏମ ଓମାର ଅବଦୁଲ୍ଲା କହିଛନ୍ତି ଏହି ଘଟଣା ଅତ୍ୟନ୍ତ ହୃଦୟସ୍ପର୍ଶୀ ଅଟେ । ମୁଁ ଆଶା କରୁଛି ଦୁର୍ଘଟଣାର ସ୍ଥିତିକୁ ନେଇ ସରକାର ଅନୁସନ୍ଧାନ କରିବେ। ”
ସୂଚନା ଅନୁସାରେ, ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି ଖାନବଲ ଅଗ୍ନିକାଣ୍ଡରେ ପୀଡିତଙ୍କୁ ଭେଟିବାକୁ ଯାଉଥିଲେ । ଦୁଇ ଦିନ ପୂର୍ବେ ୟୁନିଅନ ଅଞ୍ଚଳର ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାର ଖାନବଲ ଅଞ୍ଚଳର ବୋଟ କଲୋନୀରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା ଯେଉଁ ଅଗ୍ନିକାଣ୍ଡରେ ୧୩ଜଣଙ୍କ ଘର ପୋଡି ପାଉଁଶ ହୋଇଯାଇଥିଲା।
Powered by Froala Editor