ପୁଣି ଥରେ ବିଟ୍କଏନ୍ ଦାମ୍ ବୃଦ୍ଧି, ୪୦,୦୦୦ ଡଲାର ଟପିଲା
![ପୁଣି ଥରେ ବିଟ୍କଏନ୍ ଦାମ୍ ବୃଦ୍ଧି, ୪୦,୦୦୦ ଡଲାର ଟପିଲା](https://odishanewslens.com/news_gallery/26374_1701774544.jpg)
ନୂଆଦିଲ୍ଲୀ: ବିଶ୍ବର ଚର୍ଚ୍ଚିତ ଭର୍ଚୁଆଲ ମୁଦ୍ରା ବିଟ୍କଏନ୍ ଦାମରେ ପୁଣି ଥରେ ବୃଦ୍ଧିର ଧାରା ଆରମ୍ଭ ହୋଇଛି। ଗୋଟିଏ ବିଟ୍କଏନ୍ର ଦାମ୍ ୪୦,୦୦୦ ଡଲାରରୁ ଅଧିକ ହୋଇଯାଇଛି। ବିଶ୍ବର ଦୁଇଟି ପ୍ରମୁଖ କ୍ରିପ୍ଟୋ ଏକ୍ସଚେଞ୍ଜ୍ ଏଫ୍ଟିଏକ୍ସ ଓ ବିନାନ୍ସ ବୁଡ଼ିଯିବା ସତ୍ତ୍ବେ ବିଟ୍କଏନ୍ର ଚମକ ଫିକା ପଡ଼ିନାହିଁ। ଶେଷ ଥର ଲାଗି ଗତବର୍ଷ ଏପ୍ରିଲ୍ରେ ବିଟ୍କଏନ୍ ଦାମ୍କୁ ଏଭଳି ସ୍ତରରେ ଦେଖିବାକୁ ମିଳିଥିଲା। ବିଟ୍କଏନ୍କୁ ନେଇ ଆମେରିକା ଏକ୍ସଚେଞ୍ଜ୍ ଟ୍ରେଡେଡ୍ ଫଣ୍ଡ୍ (ଇଟିଏଫ୍) ଆଣିବା ଉପରେ ବିଚାର କରୁଥିବାରୁ ଏହାର ଚାହିଦା ବଢ଼ିବ ବୋଲି ଆଶା କରାଯାଉଛି।
ଏହା ବ୍ୟତୀତ ଆମେରିକାର ଫେଡେରାଲ ରିଜର୍ଭ ସୁଧ କମ୍ କରିବାକୁ ଯାଉଥିବାରୁ ଏକ୍ସଚେଞ୍ଜ ଟ୍ରେଡେଡ୍ ଫଣ୍ଡ୍ଗୁଡ଼ିକର ଚାହିଦା ବଢ଼ିବ ବୋଲି କୁହାଯାଉଛି। ଏଭଳି କିଛି ଖବର ଯୋଗୁଁ ବିଟ୍କଏନ୍ ଚାହିଦା ପୁଣି ବଢ଼ିବାରେ ଲାଗିଛି। ଭାରତରେ କିନ୍ତୁ ଭାରତୀୟ ରିଜର୍ଭ ବ୍ୟାଙ୍କର ଗଭର୍ଣ୍ଣର ଶକ୍ତିକାନ୍ତ ଦାସ କ୍ରିପ୍ଟୋକରେନ୍ସିକୁ ପ୍ରବଳ ବିରୋଧ କରୁଛନ୍ତି। ଯେହେତୁ ତାହା ନିୟନ୍ତ୍ରଣ ବାହାରେ ରହିଛି ତେଣୁ ଜଗିରଖି ସେଥିରେ ନିବେଶ କରିବାକୁ ସେ ଲୋକମାନଙ୍କୁ ଆହ୍ବାନ ଦେଇଛନ୍ତି। କ୍ରିପ୍ଟୋକରେନ୍ସିର କୌଣସି ମୂଲ୍ୟ ନାହିଁ ବୋଲି ସେ ବାରମ୍ବାର କହୁଛନ୍ତି।
Powered by Froala Editor