ଟ୍ରକ୍ କୁ ପିଟିଲା କାର୍। ଦୁର୍ଘଟଣାରେ ୮ ଛାତ୍ରଙ୍କ ମୃତ୍ୟୁ ହୋଇଛି। ଏନଏଚ ୬୬ କାଇପାମଙ୍ଗଲମର ପାନାମ୍ବିକୁନ୍ନୁ ନିକଟରେ ଏକ କାର୍ ରାସ୍ତା କଡ଼ରେ ଛିଡ଼ା ହୋଇଥିବା ଟ୍ରକ୍ ପଛରେ ପିଟି ହୋଇଥିଲା। ଦୁର୍ଘଟଣାରେ କାରଟି ସମ୍ପୂର୍ଣ୍ଣ ଭାଙ୍ଗି ଚୁରମାର ହୋଇଯାଇଛି। କାରରେ ଥିବା ୮ଜଣଙ୍କର ମୃତ୍ୟୁ ହୋଇଥିବା ବେଳେ ଅଗ୍ନିଶମ ବାହିନୀ ସମସ୍ତଙ୍କୁ ଉଦ୍ଧାର କରିଛି।

ପ୍ରାଥମିକ ସୂଚନା ମୁତାବକ, କାରରେ ଥିବା ବ୍ୟକ୍ତିମାନେ ତାମିଲନାଡୁର ଡିଣ୍ଡିଗୁଲସ୍ଥିତ ଏକ ଇଞ୍ଜିନିୟରିଂ କଲେଜର ଛାତ୍ର ଥିଲେ। ଶୁକ୍ରବାର ରାତି ପ୍ରାୟ ୧୧ଟା ୪୦ ମିନିଟରେ ଥ୍ରୀସୁର ନିକଟ ପାନାମ୍ବିକୁନରେ ଏହି ଦୁର୍ଘଟଣା ଘଟିଥିଲା। ୮ ଜଣ ଛାତ୍ର ଥିବା କାରଟି ପାର୍କିଂ ହୋଇଥିଲା ଟ୍ରକ ସହ ଧକ୍କା ହୋଇଥିଲା । କାରରେ ଥିବା ସମସ୍ତ ୮ ଜଣଙ୍କର ମୃତ୍ୟୁ ହୋଇଛି । ଖବର ପାଇବା ପରେ ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚି ପୁଲିସକୁ ଖବର ଦେଇଥିଲେ । ଏହା ପରେ ମୃତଦେହକୁ କାରରୁ ବାହାର କରାଯାଇଥିଲା । ଏହାପରେ ବ୍ୟବଚ୍ଛେଦ ପାଇଁ ଥ୍ରିସୁର ମେଡିକାଲକୁ ପଠାଯାଇଛି ।

ସ୍ଥାନୀୟ ଲୋକଙ୍କ କହିବା ଅନୁଯାୟୀ, ରାସ୍ତା କାମ ଚାଲିଥିବା ରାସ୍ତାରେ ଟ୍ରକଟି ପାର୍କିଂ କରାଯାଇଥିଲା । ସ୍ଥାନୀୟ ଲୋକ, ଅଗ୍ନିଶମ ଓ ଉଦ୍ଧାର ସେବା କର୍ମଚାରୀ ଓ ପୁଲିସ ଉଦ୍ଧାର କାର୍ଯ୍ୟ କରି ଭଙ୍ଗା ଗାଡ଼ିରୁ ପୀଡ଼ିତଙ୍କୁ ଉଦ୍ଧାର କରିଥିଲେ। କାରରେ ଥିବା ୭ ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଜଣେ ଛାତ୍ରଙ୍କର ଡାକ୍ତରଖାନାରେ ମୃତ୍ୟୁ ଘଟିଛି ।

Powered by Froala Editor