M3M ହୁରୁନ ଇଣ୍ଡିଆ ଧନୀ ତାଲିକା-୨୦୨୬ରେ ଦେଶର ସବୁଠୁ ଧନୀ ସେଲିବ୍ରିଟି ଭାବେ ଶୀର୍ଷ ସ୍ଥାନ ହାସଲ କରିଛନ୍ତି ବଲିଉଡ୍‌ର ବାଦ୍‌ଶାହ ଶାହରୁଖ ଖାନ୍‌। ତାଙ୍କ ମୋଟ ନେଟ୍ ସମ୍ପତ୍ତି ପ୍ରାୟ ୧୦ ହଜାର କୋଟି ଟଙ୍କା ବୋଲି ଆକଳନ କରାଯାଇଛି। 

ଏହି ତାଲିକାରେ ପ୍ରାୟ ୪ ହଜାର କୋଟି ଟଙ୍କାର ସମ୍ପତ୍ତି ସହିତ ଦ୍ୱିତୀୟ ସ୍ଥାନରେ ଅଛନ୍ତି ମହାନାୟକ ଅମିତାଭ ବଚ୍ଚନ। ପ୍ରାୟ ୩ ହଜାର କୋଟି ଟଙ୍କାର ସମ୍ପତ୍ତି ସହିତ ସଲମାନ ଖାନ୍ ତାଲିକାର ତୃତୀୟ ସ୍ଥାନରେ ରହିଛନ୍ତି। ଅଭିନୟ ସହ ବ୍ରାଣ୍ଡ ଏଣ୍ଡୋର୍ସମେଣ୍ଟ ଓ ଅନ୍ୟାନ୍ୟ ବ୍ୟବସାୟିକ କାର୍ଯ୍ୟକଳାପ ତାଙ୍କ ଆୟର ଅଂଶ ବୋଲି ଆକଳନ କରାଯାଇଛି। ପ୍ରାୟ ୨,୫୦୦ କୋଟି ଟଙ୍କାର ସମ୍ପତ୍ତି ସହିତ ଅଭିନେତା ଋତ୍ୱିକ ରୋଶନ୍ ଚତୁର୍ଥ ସ୍ଥାନରେ ଅଛନ୍ତି। ତାଙ୍କ ସମ୍ପତ୍ତି ଓ ଆୟ ସହ HRX ବ୍ରାଣ୍ଡର ସମ୍ପର୍କ ରହିଛି। 

M3M ହୁରୁନ ଇଣ୍ଡିଆ ଧନୀ ତାଲିକା-୨୦୨୬ର ଏହି ଆକଳନରୁ ଜଣାପଡ଼ୁଛି ଯେ, ମନୋରଞ୍ଜନ ଜଗତ ସହ କ୍ରୀଡ଼ା ଜଗତର ତାରକାମାନେ ମଧ୍ୟ ବ୍ରାଣ୍ଡ ଏଣ୍ଡୋର୍ସମେଣ୍ଟ, ବ୍ୟବସାୟ ଓ ନିବେଶ ମାଧ୍ୟମରେ ବଡ଼ ସମ୍ପତ୍ତି ଗଢ଼ିଛନ୍ତି।ପଞ୍ଚମ ସ୍ଥାନରେ ଅଛନ୍ତି ଭାରତୀୟ କ୍ରିକେଟର ବିରାଟ କୋହଲି। ପ୍ରାୟ ୧,୬୦୦ କୋଟି ଟଙ୍କାର ସମ୍ପତ୍ତି ସହିତ ସେ ଏହି ତାଲିକାରେ ସ୍ଥାନ ପାଇଥିବା ସବୁଠୁ ଧନୀ କ୍ରିକେଟର। ବ୍ରାଣ୍ଡ ବିଜ୍ଞାପନ ଓ ନିବେଶକୁ ତାଙ୍କ ସମ୍ପତ୍ତିର ମୁଖ୍ୟ ସ୍ରୋତ ଭାବେ ହୁରୁନ୍ ଉଲ୍ଲେଖ କରିଛି। କ୍ରିକେଟ୍‌ର ଅନ୍ୟତମ କିମ୍ବଦନ୍ତୀ ସଚିନ ତେନ୍ଦୁଲକର ପ୍ରାୟ ୧,୫୦୦ କୋଟି ଟଙ୍କାର ସମ୍ପତ୍ତି ସହିତ ତାଲିକାର ଷଷ୍ଠ ସ୍ଥାନରେ ଅଛନ୍ତି। ପୂର୍ବତନ ଭାରତୀୟ କ୍ରିକେଟ୍ ଅଧିନାୟକ ମହେନ୍ଦ୍ର ସିଂହ ଧୋନି ମଧ୍ୟ ପ୍ରାୟ ୧,୫୦୦ କୋଟି ଟଙ୍କାର ସମ୍ପତ୍ତି ସହିତ ସପ୍ତମ ସ୍ଥାନରେ ରହିଛନ୍ତି। 

Powered by Froala Editor