ପ୍ରାୟ ୧୫ ବର୍ଷ ପରେ ଆପଲ୍‌ର ନୂଆ CEO ପଦରେ ବସିଛନ୍ତି ଜନ୍ ଟର୍ନସ୍। ସେପ୍ଟେମ୍ବର ୧ରୁ ସେ ଆପଲ୍‌ର CEO ଭାବେ କାର୍ଯ୍ୟଭାର ସମ୍ଭାଳିଛନ୍ତି। ଜନ୍ ଟର୍ନସ୍ ଚଳିତ ବର୍ଷ ଆପଲ୍‌ରେ ଯୋଗ ଦେଇନାହାନ୍ତି। ସେ ଦୀର୍ଘ ୨୫ ବର୍ଷ ଧରି ଆପଲ୍‌ ସହ ଜଡ଼ିତ ଅଛନ୍ତି। ୨୦୦୧ ମସିହାରେ ସେ ଆପଲ୍‌ର ପ୍ରଡକ୍ଟ ଡିଜାଇନ୍ ଟିମ୍‌ରେ ଯୋଗ ଦେଇଥିଲେ।

୨୦୧୩ରେ ସେ ହାର୍ଡୱେର ଇଞ୍ଜିନିୟରିଂର ଭାଇସ୍ ପ୍ରେସିଡେଣ୍ଟ ହୋଇଥିଲେ। ପରେ ୨୦୨୧ରେ ସେ ଆପଲ୍‌ର ସିନିୟର ଭାଇସ୍ ପ୍ରେସିଡେଣ୍ଟ ପଦକୁ ପଦୋନ୍ନତି ପାଇଥିଲେ। ଏବେ ଟିମ୍ କୁକ୍‌ଙ୍କ ପରେ ସେ ଆପଲ୍‌ର CEO ଦାୟିତ୍ୱ ନେଇଛନ୍ତି। ରିପୋର୍ଟ ଅନୁସାରେ, ଜନ୍ ଟର୍ନସଙ୍କୁ ପ୍ରାୟ ୫୮ ମିଲିୟନ୍ ଡଲାରର ପ୍ୟାକେଜ୍ ମିଳିବ। ଏଥିରେ ତାଙ୍କ ବାର୍ଷିକ ବେସିକ୍ ସାଲାରୀ ୩ ମିଲିୟନ୍ ଡଲାର, ଅର୍ଥାତ୍ ପ୍ରାୟ ୨୮.୫ କୋଟି ଟଙ୍କା ରହିଛି। କେବଳ ବେସିକ୍ ସାଲାରୀକୁ ହିସାବ କଲେ, ୩ ମିଲିୟନ୍ ଡଲାର ବାର୍ଷିକ ଦରମା ଅନୁସାରେ ଜନ୍ ଟର୍ନସଙ୍କ ମାସିକ ବେସିକ୍ ସାଲାରୀ ପ୍ରାୟ ୨.୩୭ କୋଟି ଟଙ୍କା ହେବ।

ଏହା ବ୍ୟତୀତ ଆସନ୍ତା ବର୍ଷ ପାଇଁ ତାଙ୍କୁ ପ୍ରାୟ ୫୫ ମିଲିୟନ୍ ଡଲାର, ଅର୍ଥାତ୍ ପ୍ରାୟ ୫୨୨ କୋଟି ଟଙ୍କାର ଟାର୍ଗେଟ୍ ଷ୍ଟକ୍ ଆୱାର୍ଡ ମିଳିବ। ଏହା ସହ ତାଙ୍କ ପ୍ୟାକେଜ୍‌ରେ ଏକକାଳୀନ ୨.୫ ମିଲିୟନ୍ ଡଲାରର RSU ଗ୍ରାଣ୍ଟ ମଧ୍ୟ ସାମିଲ ରହିଛି।

Powered by Froala Editor