ବର୍ଷା ପରେ ଜାତୀୟ ରାଜଧାନୀ ଦିଲ୍ଲୀର ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର ବାହାରେ ପାଣି ଜମି ରହିବା ଘଟଣା ଦେଖାଦେଇଛି। ଶୁକ୍ରବାର ଏନସିଆରରେ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଥିଲା। ପାଣିପାଗ ବିଭାଗ ଝଡ଼ବର୍ଷା ସହିତ ବର୍ଷା ପାଇଁ ‘ୟେଲୋ ଆଲର୍ଟ’ ଜାରି କରିଛି। ବର୍ଷା ପରେ ସହରର କିଛି ସ୍ଥାନରେ ପାଣି ଜମିବା ରିପୋର୍ଟ ହୋଇଛି, ସୁବ୍ରୋତୋ ପାର୍କ ନିକଟରେ ଯଥେଷ୍ଟ ପାଣି ଜମା ହୋଇଛି।

ଏହାଯୋଗୁ ଦିଲ୍ଲୀ ଅନ୍ତର୍ଜାତୀୟ ବିମାନବନ୍ଦରରେ ବର୍ଷା ପାଣି ଭରିଯାଇଛି । ଫଳରେ ଅନେକ ବିମାନ ଉଡ଼ାଣ ପ୍ରଭାବିତ ହୋଇଛି । ଅହମ୍ମଦାବାଦ, ମୁମ୍ବାଇ ଏବଂ ପୋର୍ଟବ୍ଲେୟାରରୁ ଆସିବାକୁ ଥିବା ବିମାନ ବିଳମ୍ବରେ ଦିଲ୍ଲୀରେ ପହଞ୍ଚିଛି । ବିମାନବନ୍ଦର ପରିସରର ଅନେକ ସ୍ଥାନରେ ପାଣି ଜମିଯିବା ଯୋଗୁ ଯାତ୍ରୀମାନେ ହଇରାଣ ହୋଇଛନ୍ତି । ସେପଟେ ଉତ୍ତରପ୍ରଦେଶରେ ବର୍ଷା ବିତ୍ପାତ ଲାଗିରହିଛି । ଏହାଯୋଗୁ ରାଜ୍ୟର ୨୩ ଜିଲ୍ଲାରେ ବନ୍ୟା ଭଳି ସ୍ଥିତି ଉପୁଜିଛି । ବାରାଣସୀ ଓ ଚିତ୍ରକୂଟ ସର୍ବାଧିକ ପ୍ରଭାବିତ ହୋଇଛି । ଅଦ୍ୟାବଧି ୧୬ ହଜାରରୁ ଅଧିକ ଲୋକଙ୍କୁ ବିଭିନ୍ନ ସ୍ଥାନରୁ ଉଦ୍ଧାର କରାଗଲାଣି । ଆଜି ବି ଘଡ଼ ଘଡ଼ି ସହ ପ୍ରବଳ ବର୍ଷା ସମ୍ଭାବନା ରହିଛି ।

ଏହା ସହିତ, ଦିଲ୍ଲୀର ନର୍ମଦା ଆପାର୍ଟମେଣ୍ଟରେ ପାଣି ଜମା ହୋଇଛି। ପ୍ରବଳ ପାଣି ଜମି ରହିବା ଯୋଗୁ ଯାନବାହାନ ଚଳାଚଳ କରିବାରେ ଅସୁବିଧା ହେଉଛି। ଦିଲ୍ଲୀରେ ବର୍ଷା ବୃଦ୍ଧି ପାଇବା ସହିତ, ରାସ୍ତାରେ ପାଣି ଜମି ରହିବା ପରିସ୍ଥିତି ଆହୁରି ଖରାପ ହେବାରେ ଲାଗିଛି, ଯାହା ଫଳରେ ପଦଯାତ୍ରୀଙ୍କ ପାଇଁ ମଧ୍ୟ ରାସ୍ତା ପାର ହେବା ଅତ୍ୟନ୍ତ କଷ୍ଟକର ହୋଇପଡିଛି। ବେଶ୍‌ କିଛି ଘଣ୍ଟା ଧରି ବର୍ଷା ଲାଗିରହିବା ଯୋଗୁ ସ୍ଥିତି ସଙ୍ଗିନ ହୋଇପଡ଼ିଛି । 

Powered by Froala Editor