ଯୁକ୍ତ ୨ ମୂଲ୍ୟାୟନ ପାଇଁ ଗଠନ ହେଲା ୧୪ ଜଣିଆ ବିଶେଷଜ୍ଞ କମିଟି
ଯୁକ୍ତ ୨ ମୂଲ୍ୟାୟନ ପାଇଁ ଗଠନ ହେଲା ବିଶେଷଜ୍ଞ କମିଟି । ଉଭୟ ରେଗୁଲାର ଓ ଏକ୍ସ ରେଗୁଲାର ପାଇଁ ଟିମ୍ ଗଠନ କରିଛି ସିଏଚଏସଇ । ସିଏଚଏସଇ ପକ୍ଷରୁ ୧୪ ଜଣିଆ କମିଟି ଗଠନ ହୋଇଛି । ଗୁରୁତ୍ବପୂର୍ଣ୍ଣ କମିଟିରେ ସ୍ଥାନ ପାଇଛନ୍ତି ଶିକ୍ଷାବିତ୍ । ୧୦ ଦିନ ଭିତରେ ମୂଲ୍ୟାୟନ ଖସଡାର ରିପୋର୍ଟ ଦେବ କମିଟି ।
କୋଭିଡ ସ୍ଥିତିରେ ପରୀକ୍ଷା ହେବା ଅନୁଚିତ ମଣିବା ପରେ ରାଜ୍ୟ ସରକାର ପରୀକ୍ଷାକୁ ବାତିଲ କରିଥିଲେ । ପରୀକ୍ଷା ନହେବା ନେଇ ସରକାର ଘୋଷଣା କରିଥିଲେ । ଏହାପରେ ମୂଲ୍ୟାୟନ ପାଇଁ ଟିମ ଗଠନ କରିଛନ୍ତି । ତେବେ କେମିତି ଓ କେଉଁ ଆଧାରରେ ମୂଲ୍ୟାୟନ କରାଯିବ ଏବଂ ରେଜଲ୍ଟ ପ୍ରକାଶ ପାଇବ ସେନେଇ କମିଟି ବିଚାର ବିମର୍ଶ କରିବ । ସିବିଏସଇ ପଲିସିକୁ କମିଟି ସଦସ୍ୟ ତର୍ଜମା ବି କରିବେ ।
ଏନେଇ ଗଣଶିକ୍ଷା ମନ୍ତ୍ରୀ କହିଛନ୍ତି, ସିବିଏସଇ ଓ ଆଇସିଏସଇ ରେଜଲ୍ଟ ଯେଉଁ ସମୟରେ ବାହାରିବ, ସିଏଚଏସଇ ଦ୍ୱାରା ପରିଚାଳିତ ଯୁକ୍ତ ଦୁଇ ପରୀକ୍ଷା ଫଳ ମଧ୍ୟ ସେହି ସମୟରେ ପ୍ରକାଶ ପାଇବ । ଛାତ୍ରଛାତ୍ରୀ ଯେପରି କୌଣସି ଅସୁବିଧାର ସମ୍ମୁଖୀନ ନହୁଅନ୍ତି, ସେଥିପାଇଁ ଗଣଶିକ୍ଷା ବିଭାଗ ଦୃଷ୍ଟି ଦେଉଥିବା କହିଛନ୍ତି ମନ୍ତ୍ରୀ । ମତାମତ ଆଧାରରେ ସରକାର ନିଷ୍ପତ୍ତି ନେବେ ବୋଲି ମନ୍ତ୍ରୀ କହିଛନ୍ତି ।
Powered by Froala Editor
