ପ୍ରଦୂଷଣ ପ୍ରମାଣପତ୍ର ନଥିବା ଗାଡିକୁ କ୍ୟାମେରାରେ ଯାଞ୍ଚ କରାଯାଇ ଗ୍ରହଣ କରାଯିବ କାର୍ୟ୍ୟାନୁଷ୍ଠାନ
![ପ୍ରଦୂଷଣ ପ୍ରମାଣପତ୍ର ନଥିବା ଗାଡିକୁ କ୍ୟାମେରାରେ ଯାଞ୍ଚ କରାଯାଇ ଗ୍ରହଣ କରାଯିବ କାର୍ୟ୍ୟାନୁଷ୍ଠାନ](https://odishanewslens.com/news_gallery/25267_1697540246.jpg)
ନୂଆଦିଲ୍ଲୀ: ଟ୍ରାଫିକ ପୁଲିସ ବଦଳରେ ଟ୍ରାଫିକ୍ କ୍ୟାମେରାରେ ନିୟମ ଉଲ୍ଲଂଘନକାରୀଙ୍କ ଉପରେ କାର୍ୟ୍ୟାନୁଷ୍ଠାନ ଗ୍ରହଣ କରାଯାଉଛି । ଦ୍ରୁତଗତି ସହ ହେଲମେଟ୍ ପିନ୍ଧି ନଥିବା ଏବଂ ସିଟ୍ବେଲ୍ଟକୁ ନ ବାନ୍ଧି ନିୟମ ଉଲ୍ଲଘଂନ କରୁଥିବା ଲୋକଙ୍କ ଉପରେ କାର୍ୟ୍ୟାନୁଷ୍ଠାନ ଗ୍ରହଣ କରାଯାଉଛି । ପରିବେଶ ସୁରକ୍ଷା ପାଇଁ ବିଭିନ୍ନ ଗାଡି ରାସ୍ତାରେ ଚାଲିବାକୁ ହେଲେ ପ୍ରଦୁଷଣ ପ୍ରମାଣପତ୍ରକୁ ବାଧ୍ୟତାମୂଳକ କରାଯାଇଛି । ଏବେ ପ୍ରଦୁଷଣ ପ୍ରମାଣପତ୍ର ନଥିବା ଗାଡିକୁ କ୍ୟାମେରା ମାଧ୍ୟମରେ ଯାଞ୍ଚ କରାଯାଇ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ।
ଇ- ଚାଲାଣ ସହ ଆଇନଗତ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ । ପ୍ରଥମେ ଦିଲ୍ଲୀରେ ଏହି ବ୍ୟବସ୍ଥା ଆରମ୍ଭ କରାଯିବ । ଦିଲ୍ଲୀ ପରିବହନ ବିଭାଗ ପକ୍ଷରୁ ସହରର ବିଭିନ୍ନ ସ୍ଥାନରେ ଏପରି କ୍ୟାମେରା ଲଗାଯାଇଛି ।
ଏଆଇ ବୈଷୟିକ ଜ୍ଞାନ ସଂଯୁକ୍ତ କ୍ୟାମେରା ଏବେ ଦିଲ୍ଲୀର ବିଭିନ୍ନ ପେଟ୍ରୋଲ ପମ୍ପରେ ସ୍ଥାପନ କରାଯାଇଛି । ଏଠାକୁ ଆସୁଥିବା ଗାଡି ଅନେକ ସମୟ ଧରି ରହୁଥିବାରୁ କେଉଁ ଗାଡିରେ ପିୟୁସି ନାହିଁ ସେ ବିଷୟରେ ତଥ୍ୟ ମିଳିବା ସହ କାର୍ୟ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦିଲ୍ଲୀ ପରିବହନ ବିଭାଗ ପକ୍ଷରୁ କୁହାଯାଇଛି ।
Powered by Froala Editor