ଭୁବନେଶ୍ୱର: ଏସଡିଜି ରିପୋର୍ଟରେ  ଓଡ଼ିଶାର ସ୍ଥାନକୁ ନେଇ ବିରୋଧୀ ରାଜ୍ୟ ସରକାରଙ୍କୁ ଟାର୍ଗେଟ କରୁଥିବାବେଳେ ଏହାରି ଭିତରେ ଏକ ବଡ଼ ଖବର ଆସିଛି । ତାହା ହେଲା ଏସଡିଜି ରିପୋର୍ଟରେ ଗଡ଼ବଡ଼ ଥିବା ସାଂସଦ ଅମର ପଟ୍ଟନାୟକ ସନେ୍ଦହ କରିଛନ୍ତି ।

 ଶନିବାର ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସାଂସଦ ଶ୍ରୀ ପଟ୍ଟନାୟକ କହିଛନ୍ତି ଯେ, ଏସଡିଜି ରିପୋର୍ଟରେ କିଛି ଗଡ଼ବଡ଼ ଅଛି ବୋଧେ ।  ରିପୋର୍ଟ ପ୍ରସ୍ତୁତି ସମୟରେ ରାଜ୍ୟ ଯୋଜନା ତଥ୍ୟକୁ ସାମିଲ କରାଯାଇନାହିଁ ବୋଲି ଶ୍ରୀ ପଟ୍ଟନାୟକ କହିଛନ୍ତି । ଏଥିସହ ରିପୋର୍ଟକୁ ନେଇ ପ୍ରଶ୍ନ ଉଠାଇବା ସହ ଶ୍ରୀ ପଟ୍ଟନାୟକ ସାଂସଦ ଅପରାଜିତା ଷଡ଼ଙ୍ଗୀଙ୍କୁ ଟାର୍ଗେଟ କରିଛନ୍ତି ।   ଉପରଠାଉରିଆଭାବେ ତଥ୍ୟ ପଢି ରାଜନୀତି କରିବା ଦୁଃଖର କଥା ବୋଲି ସାଂସଦ ଅମର ପଟ୍ଟନାୟକ କହିଛନ୍ତି । 

ପ୍ରକାଶ ଯେ, ଏସଡିଜି ଇଣ୍ଡିଆ  ର୍ୟାକିଂ  ପରିପ୍ରେକ୍ଷୀରେ ଶ୍ରୀମତୀ ଷଡ଼ଙ୍ଗୀ  ଆଜି ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ ।   ରିପୋର୍ଟରେ ଓଡ଼ିଶାର ସ୍ଥାନକୁ ନେଇ ଶ୍ରୀମତୀ ଷଡ଼ଙ୍ଗୀ ରାଜ୍ୟ ସରକାରଙ୍କୁ ସମାଲୋଚନା କରିଥିଲେ । 

ସେ କହିଥିଲେ ଯେ, ଓଡ଼ିଶା ଦେଶରେ ତଳଆଡ଼ୁ ପଞ୍ଚମ ସ୍ଥାନରେ ରହିଛି । ରାଜ୍ୟର ନିମ୍ନ ପ୍ରଦର୍ଶନ ରାଜ୍ୟବାସୀଙ୍କ ପାଇଁ ଦୁଃଖର ବିଷୟ ।  ୨୦୧୯ରେ ଓଡ଼ିଶା ୧୬ତମ ସ୍ଥାନରେ ଥିବାବେଳେ ଏବେ ୨୧ ତମ ସ୍ଥାନରେ ରହିଛି ।  ମନରେଗାରେ ନିଯୁକ୍ତି କମିଛି । କିନ୍ତୁ ରାଜ୍ୟରେ ନାରୀ ନିର୍ଯାତନା ବଢିଛି ।  ବେକାରୀ ବଢିଛି । ଇଣ୍ଟରନେଟ ୟୁଜର୍ସଙ୍କ ସଂଖ୍ୟା କମିଛି ।  ହତ୍ୟା, ଶିଶୁ ବିରୋଧୀ ଅପରାଧ ଓ ମାନବ ଚାଲାଣ ଅପରାଧ ଓଡ଼ିଶାରେ ବଢିଛି ବୋଲି  ଶନିବାର ଆୟୋଜିତ ଏକ  ସାମ୍ବାଦିକ ସମ୍ମିଳନୀରେ ଶ୍ରୀମତୀ ଷଡ଼ଙ୍ଗୀ କହିଥିଲେ । 

Powered by Froala Editor