ଭାରତ ଆକାଶରେ ଉଡିଲା ପାକ୍ ଡ୍ରୋନ
ଚଣ୍ଡିଗଡ: ପୁଣି ଭାରତ ଆକାଶରେ ଉଡିଲା ପାକ୍ ଡ୍ରୋନ । ପଞ୍ଜାବର ତରନତାରନ ଜିଲ୍ଲାରୁ ପାକିସ୍ତାନୀ ଡ୍ରୋନକୁ ଠାବ କଲା ସୀମା ସୁରକ୍ଷା ବଳ ଓ ପଞ୍ଜାବ ପୋଲିସ । ରାଜକୋଟ ଗ୍ରାମର ଏକ ଧାନ କ୍ଷେତରୁ ଡ୍ରୋନଟି ଜବତ ହୋଇଛି । ଏନେଇ ବିଏସଏଫ ତରଫରୁ ସୂଚନା ପ୍ରଦାନ କରାଯାଇଛି । ଡ୍ରୋନରୁ କୌଣସି ନିଶା ଦ୍ରବ୍ୟ ଜବତ କରାଯାଇନାହିଁ । ମିଳିଥିବା ସୂଚନା ଅନୁଯାୟୀ, ଶନିବାର ଅପରାହ୍ନ ୩ଟା ୩୨ ମିନିଟ ସମୟରେ ତରନତାରନ ଜିଲ୍ଲାର ଟିଜେସିଂ ଗ୍ରାମରେ ଏକ ପାକିସ୍ତାନୀ ଡ୍ରୋନ ଉଡୁଥିବା ଦେଖିବାକୁ ପାଇଥିଲେ । ଏହାପରେ ଡ୍ରୋନର ଗତିବିଧି ଉପରେ ନଜର ରଖିଥିଲେ । ଡ୍ରୋନଟିକୁ ତଳକୁ ଖସାଇବାକୁ ଚେଷ୍ଟା କରିଥିଲେ । କିନ୍ତୁ ହଠାତ ଡ୍ରୋନଟି ଅଦୃଶ୍ୟ ହୋଇଯାଇଥିଲା । ପଞ୍ଜାବ ପୋଲିସ ଓ ବିଏସଏଫ ଯବାନଙ୍କ ମଳିତ ଭାବେ ସର୍ଚ୍ଚ ଅପରେସନ କରି ସନ୍ଧ୍ୟା ୫ଟା ୪୨ ମିନିଟ ସମୟରେ ରାଜକୋଟ ଗ୍ରାମର ଏକ ଧାନ କ୍ଷେତରେ ଡ୍ରୋନଟି ପଡିଥିବା ଦେଖିବାକୁ ପାଇଥିଲେ। ଜବତ ଡ୍ରୋନଟି ଚାଇନା ନିର୍ମିତ କ୍ୱାଡକପ୍ଟର- ଡିଜେଆଇ ମାଭିକ୍ କ୍ଲାସିକ୍ ବୋଲି ଅଧିକାରୀମାନେ କହିଛନ୍ତି । ଆଜି (ରବିବାର) ସକାଳେ ଫିରୋଜପୁରର ଗାଟି ରାଜକୋଟ ଗ୍ରାମର ଏକ କ୍ଷେତରୁ ୨୫ କେଜି ଓଜନର ଏକ ପ୍ୟାକେଟ ଜବତ କରିଛି । ଏଥିରେ ହେରୋଇନ ଥିବା ସନ୍ଦେହ କରାଯାଉଛି ।
Powered by Froala Editor
