କନେଷ୍ଟବଳଙ୍କ ଛୁଟି ଦରଖାସ୍ତ ଭାଇରାଲ : ‘ମୋର ବିବାହ ବୟସ ଶେଷ ପର୍ଯ୍ୟାୟରେ, ଝିଅ ଦେଖିବାକୁ ଯିବି’
ବୟସ ଗଡି ଗଡି ଯାଉଛି । କିନ୍ତୁ ପୁଲିସରେ ଚାକିରି କରିଥିବାରୁ ଝିଅ ଦେଉନାହାନ୍ତି । ବହୁତ କଷ୍ଟରେ ଝିଅଟିଏ ଦେଖିବାକୁ ହଁ କରିଛି । ଏହି ସୁଯୋଗ ହାତଛଡା ନକରି ଝିଅ ଦେଖିବାକୁ ବାହାରିଛନ୍ତି ଜଣେ କନେଷ୍ଟବଳ । ହେଲେ ଯିବା ପୂର୍ବରୁ ଉପରିସ୍ଥ ଅଧିକାରୀଙ୍କୁ ଲେଖିଛନ୍ତି ଛୁଟି ଦରଖାସ୍ତ । ଯାହାକି ଏବେ ଭାଇରାଲ ହେଉଛି । ଏହି ଦରଖାସ୍ତ ଯିଏ ପଢୁଛି ହସୁଛି ।
ୟୁପି ଫରୁଖାବାଦର ଜଣେ କନେଷ୍ଟବଳ ରାଘବ ଚତୁର୍ବେଦୀ ପୁଲିସ ବିଭାଗରେ ଗତ ୩ ବର୍ଷ ହେଲାଣି କାର୍ଯ୍ୟରତ । ତାଙ୍କୁ ଏତେ ଛୁଟି ମିଳେ ନାହିଁ । କିନ୍ତୁ ବାହାଘର ପାଇଁ ଝିଅ ଦେଖିବାକୁ ଯିବାକୁ ନିଜ ଉପରିସ୍ଥ ଅଧିକାରୀ ସିଟିସିଓଙ୍କୁ ଛୁଟି ଆବେଦନ କରିଛନ୍ତି । ଏହି ଦରଖାସ୍ତ ପଢିବା ପରେ ସିଟିସିଓ ତାଙ୍କ ଛୁଟି ମଞ୍ଜୁର କରିଛନ୍ତି । ହେଲେ ହସିହସି ଗଡିଛନ୍ତି ।
ତେବେ ଛୁଟି ଦରଖାସ୍ତଟି ଥିଲା ଏମିତି । ‘ମହୋଦୟ ପୁଲିସ ଚାକିରୀ କରିଥିବା ପୁଅଙ୍କୁ ଝିଅ ମିଳିବା ମୁସ୍କିଲ ହେଲାଣି । ହେଲେ ଭାରି କଷ୍ଟରେ ଏହି ପ୍ରସ୍ତାବ ମିଳିଛି । ମୋର ବିବାହ ବୟସ ବି ଶେଷ ପର୍ଯ୍ୟାୟରେ । କହିବାର ଅର୍ଥ, ଶ୍ରୀମାନଙ୍କୁ ଅନୁରୋଧ, ପ୍ରର୍ଥୀକୁ ୫ ଦିନର ଆକସ୍ମିତ ଅବକାଶ ପ୍ରଦାନ କରିବାର କୃପା କରନ୍ତୁ । ମହୋଦୟଙ୍କର ଅଶେଷ କୃପା ହେବ' ।
Powered by Froala Editor
