ନୂଆଦିଲ୍ଲୀ: ଜି-୨୦ ସମ୍ମିଳନୀରେ ନୂଆଦିଲ୍ଲୀ ଘୋଷଣାପତ୍ରକୁ ଗୃହୀତ କରାଇ ଭାରତ ବଡ ଉପଲବ୍ଧ ହାସଲ କରିଛି । ସମ୍ମିଳିତ ବିକାଶ, ଆତଙ୍କବାଦ, ଜଳବାୟୁ ପରିବର୍ତ୍ତନ, ୟୁକ୍ରେନ ଓ ଋଷ ମଧ୍ୟରେ ଯୁଦ୍ଧ ଇତ୍ୟାଦି ପ୍ରସଙ୍ଗ ଘୋଷଣାପତ୍ରରେ ଉଲ୍ଲେଖ ରହିଥିବା ବେଳେ ଏଥିରେ ସବୁ ରାଷ୍ଟ୍ର ସହମତି ପ୍ରକାଶ କରିଛନ୍ତି । ହେଲେ ଜି-୨୦ର ଏହି ମିଳିତ ଘୋଷଣାପତ୍ରକୁ ସମାଲୋଚନା କରିଛି ୟୁକ୍ରେନ । କାରଣ ଘୋଷଣାପତ୍ରରେ ୟୁକ୍ରେନ ଯୁଦ୍ଧ ପ୍ରସଙ୍ଗ ରହିଥିଲେ ହେଁ ଆକ୍ରମଣ ପାଇଁ ଏଥିରେ ଋଷକୁ ସିଧାସଳଖ ଦାୟୀ କରାଯାଇ ନାହିଁ କି ଋଷର ନାମ ଉଲ୍ଲେଖ କରାଯାଇନି । ତେଣୁ ୟୁକ୍ରେନ ଯୁଦ୍ଧ ସମ୍ବନ୍ଧୀୟ ଜି-୨୦ର ଘୋୟୁକ୍ରେନ ବୈଦେଶିକ ମନ୍ତ୍ରଣାଳୟ ମୁଖପାତ୍ର ଓଲେଗ ନିକୋଲେଙ୍କୋ ଜି-୨୦ ଘୋଷଣାପତ୍ରକୁ ସମାଲୋଚନା କରି କହିଛନ୍ତି, ୟୁକ୍ରେନରେ ଆକ୍ରମଣ ପାଇଁ ଏଥିରେ ଋଷର ନାମ ଉଲ୍ଲେଖ କରାଯାଇନି । ଏଥିସହ ସେ ଘୋଷଣାପତ୍ରର ଗୋଟିଏ ଭାଗର ସ୍କ୍ରିନସଟ୍ 'ଏକ୍ସ'ରେ ପୋଷ୍ଟ କରିଛନ୍ତି, ଯେଉଁଥିରେ କିଛି ଶବ୍ଦକୁ ଲାଲ ରଙ୍ଗରେ ହଟାଇ ଦିଆଯାଇ ଏହାକୁ ସଂଶୋଧନ କରାଯାଇଥିବାର ଦେଖିବାକୁ ମିଳିଛି ।ଷଣାପତ୍ରରେ ଗର୍ବ କରିବା ଭଳି କିଛି ନାହିଁ ବୋଲି ୟୁକ୍ରେନ ପକ୍ଷରୁ କୁହାଯାଇଛି ।ତେବେ ୟୁକ୍ରେନ ଉପରେ ଋଷର ଆକ୍ରମଣକୁ ନୂଆଦିଲ୍ଲୀ ଘୋଷଣାପତ୍ରରେ ସିଧାସଳଖ ଉଲ୍ଲେଖ କରାଯାଇ ନଥିଲେ ମଧ୍ୟ ବିଶ୍ବରେ ପରମାଣୁ ଅସ୍ତ୍ରର ବ୍ୟବହାର କିମ୍ବା ପରମାଣୁ ଅସ୍ତ୍ରର ଧମକ ଦେବା ଆଦୌ ଗ୍ରହଣୀୟ ନୁହେଁ । କୌଣସି ଦେଶର ଅଞ୍ଚଳକୁ ଅଧିଗ୍ରହଣ କରିବା ପାଇଁ ବଳ ପ୍ରୟୋଗ କରିବାରୁ ସବୁ ଦେଶ ଦୂରେଇ ରହିବା ଉଚିତ୍ ବୋଲି ଘୋଷଣାପତ୍ରରେ ଉଲ୍ଲେଖ କରାଯାଇଛି । କିନ୍ତୁ କୌଣସି ସ୍ଥାନରେ ଋଷିଆ ନାମ ଲେଖା ନଯିବାକୁ ନେଇ ୟୁକ୍ରେନ ସମାଲୋଚନା କରିଛି ।

Powered by Froala Editor