ପୂର୍ବ ରାଜନୈତିକ ଶତ୍ରୁତାକୁ କେନ୍ଦ୍ରକରି ୮ଟି ବୋମା ମାଡ଼, ୩ ଗୁରୁତର
ଆଠଗଡ: ଆଠଗଡ଼ ଥାନା ଅନ୍ତର୍ଗତ ସମସରପୁର ପଞ୍ଚାୟତ ଅମୃତ ମଣୋହି ପାଟଣାରେ ପୂର୍ବ ରାଜନୈତିକ ଶତ୍ରୁତାକୁ କେନ୍ଦ୍ରକରି ବୋମା ମାଡ଼ ହୋଇଥିବା ଜଣାପଡିଛି। ଏଥିରେ ଉଭୟ ପକ୍ଷରୁ ତିନି ଜଣ ଗୁରୁତର ଆହତ ହୋଇଛନ୍ତି। ପୂର୍ବ ରାଜନୈତିକ ଶତ୍ରୁତାକୁ କେନ୍ଦ୍ରକରି ୮ଟି ବୋମା ମାଡ଼ ହୋଇଥିବା ବେଳେ ଆଉ ୪ଟି ଜୀବନ୍ତ ବୋମା ପୋଲିସ ଉଦ୍ଧାର କରିଛି।
ଗତ ଜୁଲାଇ ୧୪ ତାରିଖରେ ଗ୍ରାମରେ ଶ୍ମସାନ ନିର୍ମାଣକୁ ନେଇ ଶାସକ ଦଳର ଦୁଇ ଗୋଷ୍ଠୀ ମଧ୍ୟରେ ବଚସା ସହିତ ହାତାହାତି ହୋଇଥିଲା।ପରେ ଏହାର ଆପୋଷ ସମାଧାନ ହୋଇଥିବା ବେଳେ ଅସନ୍ତୋଷ କୁହୁଳୁଥିଲା। ଆଜି ସେହି ଗ୍ରାମର ଗଦାଧର ନାୟକଙ୍କ ପୁଅ ଆଦିତ୍ୟ ନାୟକ ଗାଁ ଦାଣ୍ଡରେ ଖେଳୁଥିବା ବେଳେ ଗୁଣନିଧି ଜେନାଙ୍କ ପୁଅ ଶିଶିର ଜେନା ଗାଡି ନେଇ ଯାଉଥିଲେ। ଏତିକି ବେଳେ ଆଦିତ୍ୟ ଦେହରେ ଗାଡି ଧକ୍କା ହୋଇଥିଲା। ଫଳରେ ବିବାଦର ସୂତ୍ରପାତ ହୋଇଥିଲା। ଏଥିରେ ଆଠଟି ବୋମା ମାଡ଼ ହୋଇଥିବା ଅଭିଯୋଗ ହୋଇଛି। ଉଭୟ ପକ୍ଷରୁ ତିନି ଜଣ ଗୁରୁତର ଆହତ ହୋଇଛନ୍ତି। ଆହତମାନେ ହେଲେ ଗୁଣନିଧି ଜେନା, ଋଷିଆ ଜେନା ଏବଂ ଆଦିତ୍ୟ ନାୟକ।
Powered by Froala Editor
