ଭୁବନେଶ୍ବର :ପୂର୍ବ ବର୍ଷ ତୁଳନାରେ ୧୦ପ୍ରତିଶତ ବୃଦ୍ଧି ସହିତ ଜୁନ୍‌ ୨୦୨୩ରେ ଓଡ଼ିଶାରେ ୪,୩୭୯.୯୮ କୋଟି ଟଙ୍କାର ଜିଏସଟି ସଂଗ୍ରହ କରାଯାଇଛି । ଜୁନ୍‌ ୨୦୨୨ରେ ୩,୯୬୫.୨୮ କୋଟି ଟଙ୍କାର ଜିଏସଟି ରାଜସ୍ୱ ଆଦାୟ ହୋଇଥିଲା । ସରକାର ସିଜିଏସଟି ବାବଦରେ ୩୬,୨୨୪ କୋଟି ଟଙ୍କା ପରିଶୋଧ କରିଥିବା ବେଳେ ଆଇଜିଏସଟିରୁ ଏସଜିଏସଟି ବାବଦରେ ୩୦,୨୬୯ କୋଟି ଟଙ୍କା ପରିଶୋଧ କରିଛନ୍ତି । ନିୟମିତ ପରିଶୋଧ ହେବା ପରେ ଜୁନ୍‌ ୨୦୨୩ରେ କେନ୍ଦ୍ର ଓ ରାଜ୍ୟ ସରକାରଙ୍କ ମୋଟ୍‌ ରାଜସ୍ୱ ସିଜିଏସଟି ପାଇଁ ୬୭,୨୩୭ କୋଟି ଟଙ୍କା ଏବଂ ଏସଜିଏସଟି ପାଇଁ ୬୮,୫୬୧ କୋଟି ଟଙ୍କା ରହିଛି।

ଜୁନ୍‌୨୦୨୩ରେ ରାଜସ୍ୱ ସଂଗ୍ରହ ଗତ ବର୍ଷ ସମାନ ମାସରେ ସଂଗୃହିତ ଜିଏସଟି ରାଜସ୍ୱ ତୁଳନାରେ ୧୨ପ୍ରତିଶତ ଅଧିକ ରହିଛି । ଏହି ମାସରେ ଘରୋଇ କାରବାରରୁ ସଂଗୃହିତ ରାଜସ୍ୱ (ସେବା ଆମଦାନୀ ସମେତ) ପରିମାଣ ପୂର୍ବ ବର୍ଷର ସମାନ ମାସରେ ସମାନ ଉତ୍ସରୁ ସଂଗୃହିତ ରାଜସ୍ୱ ତୁଳନାରେ ୧୮ ପ୍ରତିଶତ ଅଧିକ ରହିଛି ।
ଜିଏସଟି ଆରମ୍ଭ ପରଠାରୁ ଚତୁର୍ଥ ଥର ପାଇଁ ସକଳ ଜିଏସଟି ସଂଗ୍ରହ ୧.୬ ଲକ୍ଷ କୋଟି ଟଙ୍କା ଟପିଛି । ହାରାହାରୀ ମାସିକ ସକଳ ଜିଏସଟି ସଂଗ୍ରହ ଯଥାକ୍ରମେ ୨୦୨୧-୨୨ ଆର୍ଥିକ ବର୍ଷର ପ୍ରଥମ ତ୍ରୟମାସରେ ୧.୧୦ ଲକ୍ଷ କୋଟି ଟଙ୍କାଟ୍ଟ ୨୦୨୨-୨୩ ଆର୍ଥିକ ବର୍ଷରେ ୧.୫୧ ଲକ୍ଷ କୋଟି ଟଙ୍କା ଏବଂ ୨୦୨୩-୨୪ ଆର୍ଥିକ ବର୍ଷରେ ୧.୬୯ ଲକ୍ଷ କୋଟି ଟଙ୍କା ରହିଛି ।କ୍ରମାଗତ ୧୬ ମାସ ଧରି ୧.୪ ଲକ୍ଷ କୋଟି ଟଙ୍କାରୁ ଅଧିକ ଏବଂ ସପ୍ତମ ଥର ପାଇଁ ୧.୫ ଲକ୍ଷ କୋଟି ଟଙ୍କାରୁ ଅଧିକ ଜିଏସଟି ରାଜସ୍ୱ ସଂଗ୍ରହ ହୋଇଛି ।

Powered by Froala Editor