୪୪୨ଟି ଝାଡୁର ମୁଠାରେ ହେରୋଇନ୍ ଚାଲାଣ
ନୂଆ ଢଙ୍ଗରେ ଭାରତକୁ ପାକିସ୍ତାନ ସୀମା ଦେଇ ହେରୋଇନ୍ ଚାଲାଣ ବେଳେ ଧରାପଡିଛି । ପଞ୍ଜାବର ଅଟାରୀ ସୀମା ଦ୍ୱାର ନିକଟରେ ଆଫଗାନ୍ ଝାଡୁର ମୁଠାରେ ଏହି ହେରୋଇନ୍ ଚୋରା ଚାଲାଣ କରାଯାଉଥିଲା । ସୀମା ଶୁଳ୍କ ବଭାଗ ପକ୍ଷରୁ ଏହି ଝାଡୁ ସହ ଗାଡିକୁ ଜବତ କରାଯାଇଛି ।
ଭାରତରେ ବିବାହ କରିଥିବା ଆଫଗାନ୍ର ଜଣେ ନାଗରିକ ଏହାକୁ ଚୋରା ଚାଲାଣ କରୁଥିବା ଜଣାପଡିଛି । ପୂର୍ବରୁ ସ୍ୱାମୀ ସ୍ତ୍ରୀ ନିଶା ଚୋରା ଚାଲାଣ ମାମଲାରେ ଗିରଫ ହୋଇ ଜାମିନ୍ରେ ମୁକୁଳିଥିଲେ । ପୁଣି ସେମାନେ ଏବେ ସେହି ନିଶା ଚୋରା ଚାଲାଣ ମାମଲାରେ ଗିରଫ ହୋଇଛନ୍ତି । ଟ୍ରକରେ ୪ହଜାର ଝାଡୁ ଆସୁଥିବା ବେଳେ ୪୪୨ଟି ଝାଡୁର ମୁଠାରେ ହେରୋଇନ୍ ଚୋରାଚାଲାଣ କରାଯାଉଥିଲା । ଏହି ଚାଲାଣରେ ଆଉ କେଉଁମାନେ ସାମିଲ ଅଛନ୍ତି ତାର ତଦନ୍ତ ଜାରି ରହିଛି । ଏହି ଚାଲାଣ କେଉଁ କେଉଁ ସ୍ଥାନକୁ ଯାଉଥିଲା ଗୁଇନ୍ଦା ବିଭାଗ ସେଥିପାଇଁ ଟିମ୍ ବଢାଇଛନ୍ତି ।
Powered by Froala Editor
