ବଡ ଧରଣର ବିସ୍ଫୋରଣ ଘଟାଇଥାନ୍ତେ ଆତଙ୍କୀ, ପୋଲିସ ଜବତ କଲା ୫ କେ.ଜି ଆଇଇଡି
ପୁଲୱାମାରେ ପୋଲିସ ଏବଂ ସୁରକ୍ଷାକର୍ମୀ ବଡ଼ ଆତଙ୍କୀ ଷଡ଼ଯନ୍ତ୍ରକୁ ବିଫଳ କରିଛନ୍ତି । ରବିବାର ଦକ୍ଷିଣ କଶ୍ମୀରର ପୁଲୱାମାରୁ ଆତଙ୍କବାଦୀଙ୍କ ସହ ସମ୍ପୃକ୍ତ ଜଣେ ବ୍ୟକ୍ତିକୁ ଗିରଫ କରିବା ସହ ଅଘଟଣ ଘଟାଇବା ନିମନ୍ତେ ଲୁଚାଇ ରଖିଥିବା ୫ କେଜି ବିସ୍ଫୋରକ(ଆଇଇଡି)କୁ ଜବତ କରିଛି ଜମ୍ମୁ ଓ କଶ୍ମୀର ପୋଲିସ । ପୋଲିସ ଏଠାରେ ଜଣେ ଆତଙ୍କବାଦୀକୁ ଗିରଫ କରିଛି । ଏହି ବ୍ୟକ୍ତି ଜଣକ ଜମ୍ମୁ ଓ କାଶ୍ମୀର ବୁଡ଼ଗ୍ରାମ ଜିଲ୍ଲା ଏରିଗାମ୍ର ବାସିନ୍ଦା ଇସ୍ଫାକ୍ ଅହମ୍ମଦ। ପୋଲିସ ଏହି ଘଟଣାରେ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି।
କଶ୍ମୀର ଜୋନ୍ ପୋଲିସ ମୁତାବକ, ଏକ ବଡ଼ ଧରଣର ବିସ୍ଫୋରଣ ଘଟାଇବା ନିମନ୍ତେ ଆତଙ୍କବାଦୀ ଲୁଚାଇ ରଖିଥିବା ଏହି ବିସ୍ଫୋରକକୁ ପୁଲୱାମା ପୋଲିସ ଜବତ କରିଛି।ପ୍ରକାଶଥାଉକି ଏହି ଗୁଳବିନିମୟରେ ସଂଯୁକ୍ତ ସୁରକ୍ଷାକର୍ମୀଙ୍କ ଦ୍ୱାରା ୫ ଆତଙ୍କବାଦୀଙ୍କୁ ନିପାତ କରାଯାଇଛି । ଅଧିକାରୀ କହିଛନ୍ତି ଅତିରିକ୍ତ ସୁରକ୍ଷା କର୍ମଚାରୀଙ୍କୁ ସ୍ଥଳଭାଗରେ ନିୟୋଜିତ କରାଯାଇଛି, ଡ୍ରୋନ ଜରିଆରେ ଆକାଶ ମାର୍ଗରୁ ମଧ୍ୟ ସତର୍କ ନଜର ରଖାଯାଇଛି ।
Powered by Froala Editor
