ନୂଆଦିଲ୍ଲୀ: ଆଜିକାଲି ଅଧିକାଂଶ ମହିଳା ବିଭିନ୍ନ କମ୍ପାନିର ଗର୍ଭନିରୋଧ ବଟିକା ଖାଉଛନ୍ତି । କିଛି ଜଣ ଅଛନ୍ତି ଏହାକୁ ଦୈନନ୍ଦିକ ରୁଟିନ୍‌ରେ ସାମିଲ କରି ଦେଲେଣି । ଅବାଞ୍ଛିତ ଗର୍ଭଧାରଣା ଏଡାଇବାକୁ ସେମାନେ ଏଭଳି କରୁଛନ୍ତି । ହେଲେ ଅନେକଙ୍କୁ ଜଣାନାହିଁ ଏହା ସ୍ୱାସ୍ଥ୍ୟ ପ୍ରତି କେତେ ମାରାତ୍ମକ । ଅତ୍ୟଧିକ ଗର୍ଭନିରୋଧକ ବଟିକା ଖାଇବା ଦ୍ୱାରା କର୍କଟ ଭଳି ରୋଗ ହେବାର ଅଧିକ ଆଶଙ୍କା ରହିଥାଏ । ନିକଟରେ ହୋଇଥିବା ଏକ ଗବେଷଣାରୁ ବିଶେଷଜ୍ଞମାନେ ଏହା ସ୍ପଷ୍ଟ କରିଛନ୍ତି । 

ଅକ୍ସଫୋର୍ଡ ବିଶ୍ୱବିଦ୍ୟାଳୟର ବୈଜ୍ଞାନିକଙ୍କ କହିବା ଅନୁଯାୟୀ,  ଜନ୍ମ ନିୟନ୍ତ୍ରଣ ବଟିକା ଖାଇବା ଦ୍ୱାରା ଶରୀରର ହରମୋନାଲ ସନ୍ତୁଳନ ବ୍ୟାହତ ହୋଇପାରେ । ଅନେକ ମହିଳାଙ୍କ ଋତୁସ୍ରାବ ସଠିକ୍ ସମୟରେ ହୋଇନଥାଏ । ଫଳରେ ଅଧିକାଂଶ ସମୟ ଶରୀର ଅସୁସ୍ଥ ରୁହେ । ବୟସ୍କ ମହିଳାଙ୍କ ଠାରେ ଏହି ରୋଗ ହେବାର ଆଶଙ୍କା ଅଧିକ ରହିଥାଏ । ଗର୍ଭନିରୋଧକ ବଟିକା ଛାଡିବା ଦ୍ୱାରା ଏହି ରୋଗ ହେବାର ଆଶଙ୍କା କମିଯାଏ । 

ରିପୋର୍ଟ ଅନୁଯାୟୀ, ଏହି ଔଷଧ ଗର୍ଭଧାରଣକୁ ରୋକିବାରେ ୯୯.୭ ପ୍ରତିଶତ ପ୍ରଭାବଶାଳୀ । ପ୍ରୋଜେଷ୍ଟୋଜେନ-କେବଳ ବଟିକା କେବଳ ଗୋଟିଏ ହରମୋନ୍ ଧାରଣ କରିଥାଏ, ଯାହା ଗର୍ଭାଶୟ ଆସ୍ତରଣକୁ ମୋଟା କରି ଶୁକ୍ରାଣୁକୁ ଗର୍ଭରେ ପ୍ରବେଶ କରିବାରେ ରୋକିଥାଏ । ଉଭୟ ବଟିକାର ପାଶ୍ୱର୍ ପ୍ରତିକ୍ରିୟା ରହିପାରେ । ତେଣୁ ଯଥା ସମ୍ଭବ ଏହାକୁ ନ ଖାଇବାକୁ ଡାକ୍ତରମାନେ ପରାମର୍ଶ ଦେଇଛନ୍ତି ।

Powered by Froala Editor