ନକ୍ସଲଙ୍କ କବ୍ଜାରେ ଯବାନ, ଛାଡିବାକୁ ରଖିଲେ ଏମିତି ସର୍ତ୍ତ
ଗତ ଶନିବାର ଛତିଶଗଡର ବିଜାପୁରରେ ହୋଇଥିବା ନକ୍ସଲି ଆକ୍ରମଣକୁ ନେଇ ନକ୍ସଲ ପକ୍ଷରୁ ପ୍ରେସ୍ ରିଲିଜ୍ ଜାରି କରାଯାଇଛି। ନିଖୋଜ ଥିବା ଜଣେ ଯବାନ ସେମାନଙ୍କ କବଜାରେ ଥିବା ମାଓବାଦୀ ସ୍ଵୀକାର କରିଛନ୍ତି। ପ୍ରେସ୍ ରିଲିଜ୍ରେ ମାଓବାଦୀ ଉଲ୍ଲେଖ କରିଛନ୍ତି ଯେ, ସେମାନଙ୍କ ଆକ୍ରମଣରେ ୨୪ ଜଣ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଥିବା ବେଳେ ୩୧ ଜଣ ଗୁତୁତର ଭାବେ ଆହତ ହୋଇଛନ୍ତି। ଯବାନଙ୍କ ପ୍ରତି ଆକ୍ରମଣରେ ୪ ସାଥୀଙ୍କ ମୃତ୍ୟୁ ଘଟିଥିବା ମାଓବାଦୀ କହିଛନ୍ତି। ନିଖୋଜ ଥିବା ଜଣେ ଯବାନ ସେମାନଙ୍କ କବଜାରେ ଅଛି। ଯଦି ସରକାର ମଧ୍ୟସ୍ଥ ଦେବେ ତେବେ ସେମାନେ ବନ୍ଧକ ଯବାନଙ୍କୁ ଛାଡି ଦେବେ। ପ୍ରଥମେ ମଧ୍ୟସ୍ଥଙ୍କ ଜରିଆରେ ଆଲୋଚନା ହେବ। ସେ ଯାଏ ସଂପୃକ୍ତ ଯବାନ ସୁରକ୍ଷିତ ରହିବେ। ଏଥିପାଇଁ ସରକାରଙ୍କୁ ପ୍ରଥମେ ମଧ୍ୟସ୍ଥଙ୍କ ନାମ ଘୋଷଣା କରିବା ଦରକାର ବୋଲି ମାଓବାଦୀ ପ୍ରେସ୍ ରିଲିଜ୍ରେ ଉଲ୍ଲେଖ କରିଛନ୍ତି। ଏଥସହ ସୁରକ୍ଷାକର୍ମୀଙ୍କ ଠାରୁ ମାଓବାଦୀମାନେ ଛଡ଼ାଇ ନେଇଥିବା ବନ୍ଧୁକ ଓ ଗୁଳିଗୋଳାର ଫଟୋ ମଧ୍ୟ ସାର୍ବଜନୀନ କରିଛନ୍ତି।
ଆହୁରି ଆହୁରି କୁହାଯାଇଛି ଯେ ସାଧାରଣ ପୁଲିସ୍ ଆମର ଶତ୍ରୁ ନୁହନ୍ତି। ସେମାନେ ଶାସନ ବର୍ଗ ଥୋପିଥିବା ଅନ୍ୟାୟ ଯୁଦ୍ଧରେ ବଳି କା ବକରା ବନୁଛନ୍ତି। ସେମାନେ ଏପରି ନ କରିବାକୁ ଆମେ ଅନୁରୋଧ କରୁଛୁ। ୩ ତାରିଖ ଘଟଣାରେ ପ୍ରାଣ ହରାଇଥିବା ପୁଲିସ୍ କର୍ମୀଙ୍କ ପରିବାରକୁ ଆମେ ସମବେଦନା ଜଣାଉଛୁ। ଏଥିସହ ପ୍ରେସ ରିଲିଜ୍ରେ ମୋଦି ସରକାର ଘରୋଇକରଣ କରୁଥିବା ବ୍ୟବସ୍ଥାକୁ ମଧ୍ୟ ମାଓବାଦୀମାନେ ବିରୋଧ କରିଛନ୍ତି। ସୂଚନାଯୋଗ୍ୟ, ଗତି ଶନିବାର ପୋଲିସ-ନକ୍ସଲ ଗୁଳି ବିନିମୟରେ ୨୪ ସୁରକ୍ଷାକର୍ମୀ ସହିଦ ହୋଇଥିଲେ। ଜଣେ ଯବାନ ରାକେଶ୍ଵର ସିଂହ ଏହି ଆକ୍ରମଣ ପରଠୁ ନିଖୋଜ ଥିଲେ। ସେ ନକ୍ସଲଙ୍କ କବ୍ଜାରେ ଥିବା ନେଇ ଆଶଙ୍କା କରାଯାଉଥିଲା। ଏବେ ଏହି ଆଶଙ୍କା ସତ୍ୟର ପରିଣତ ହୋଇଛି।
