ଆମାଜନର ଦ୍ୱିତୀୟ ଫେଜ୍ ଛଟେଇ, ପୁଣି ୯ ହଜାର କର୍ମଚାରୀଙ୍କୁ ବାହାର କରିଦେବ
ଫେସବୁକ ପରେ ଏବେ ଆମାଜନ ବି ୨ୟ ଦଫା ଛଟେଇ କରିବାକୁ ଘୋଷଣା କରିଛି । କଂପାନି ପକ୍ଷରୁ ଜାରି ବିବୃତିରେ କୁହାଯାଇଛି ଯେ ଆଗାମୀ କିଛି ସପ୍ତାହ ମଧ୍ୟରେ ପ୍ରାୟ ୯ ହଜାର କର୍ମଚାରୀଙ୍କୁ ଛଟେଇ କରାଯିବ । ମାନ୍ଦାବସ୍ଥାକୁ ଦୃଷ୍ଟିରେ ରଖି କମ୍ପାନି ଏହି ପଦକ୍ଷେପ ନେଇଛି।
ସିଇଓ ଆଣ୍ଡି ଜେସୀ କହିଛନ୍ତି ଯେ କମ୍ପାନୀ ଗତ କିଛି ବର୍ଷରେ ପର୍ଯ୍ୟାପ୍ତ ନିଯୁକ୍ତି ଦେଇଛି କିନ୍ତୁ ଅନିଶ୍ଚିତ ଅର୍ଥବ୍ୟବସ୍ଥା ଯୋଗୁଁ ଖର୍ଚ୍ଚ ଏବଂ କର୍ମଚାରୀଙ୍କ ସଂଖ୍ୟାରେ କାଟ୍ କରିବାରେ ବାଧ୍ୟ ହୋଇଛି। ତେବେ ଏହା କମ୍ପାନି ଇତିହାସରେ ଦ୍ବିତୀୟ ସବୁଠୁ ବଡ଼ ଛଟେଇ ବୋଲି କହିଛନ୍ତି। ଏହାପୂର୍ବରୁ ମଧ୍ୟ କମ୍ପାନି ଗତ ବର୍ଷ ନଭେମ୍ବରରେ ୧୮ ହଜାର କର୍ମଚାରୀଙ୍କ ଛଟେଇ ନେଇ ଘୋଷଣା କରିଥିଲା।
ମାନ୍ଦାବସ୍ଥାକୁ ଲକ୍ଷ୍ୟରେ ରଖି ମାଇକ୍ରୋସଫ୍ଟ, ଗୁଗଲ, ମେଟା ଭଳି ବଡ଼ ବଡ଼ ଟେକ୍ ଦିଗ୍ଗଜ କମ୍ପାନି ହଜାର ହଜାର କର୍ମଚାରୀଙ୍କ ଛଟେଇ କରୁଛନ୍ତି। ଗତ ସପ୍ତାହରେ ଫେସବୁକର ମୂଳ କମ୍ପାନି ମେଟା ମଧ୍ୟ ୧୦ ହଜାର କର୍ମଚାରୀଙ୍କୁ ଛଟେଇ କରିବ ବୋଲି କହିଥିଲା।
Powered by Froala Editor
