ବାସି ନୁଡୁଲ୍ସ ଖାଇବା ଯୋଗୁଁ ଜଣେ ଛାତ୍ର ତାର ହାତଗୋଡ ହରାଇଛି । ବ୍ରିଟେନରେ ରହୁଥିବା ଜଣେ ଛାତ୍ର ଫ୍ରିଜରେ ରଖାଯାଇଥିବା ଚିକେନ ନୁଡୁଲ୍ସ ଖାଇ ଅସୁସ୍ଥ ହୋଇପଡ଼ିବା ପରେ ଡାକ୍ତରଙ୍କୁ ତାଙ୍କ ହାତଗୋଡ କାଟିବାକୁ ପଡ଼ିଛି ।  ‘ନିଉ ଇଂଲଣ୍ଡ୍ ଜର୍ଣ୍ଣାଲ ଅଫ୍ ମେଡିସିନ୍’ରେ ଏହି ଘଟଣା ବିଷୟରେ ପ୍ରକାଶ ପାଇବା ପରେ ବିରଳ ବ୍ୟାକଟେରିଆ ସଂକ୍ରମଣ ଲୋକଙ୍କ ଦୃଷ୍ଟି ଆକର୍ଷଣ କରିଛି।

ପୀଡ଼ିତ ଛାତ୍ରଙ୍କ ବନ୍ଧୁ ଏକ ରେସ୍ତୋରାଁରୁ ଚିକେନ ନୁଡୁଲ୍ସ ଅର୍ଡର କରିଥିଲେ। ଖାଇବା ପରେ ‘ଚିକେନ ନୁଡୁଲ୍ସ’ ବଳିବାରୁ ସେ ଏହାକୁ ଫ୍ରିଜରେ ରଖି ଦେଇଥିଲେ। ପରଦିନ ଏହାକୁ ପୀଡ଼ିତ ଫ୍ରିଜରୁ କାଢ଼ି ଖାଇଥିଲେ। ଖାଇବାର କିଛି ଘଣ୍ଟା ପରେ ତାଙ୍କ ଶରୀରର ରଙ୍ଗ ବଦଳିବା ସହ ତାପମାତ୍ରା ବଢ଼ିଥିଲା। ସେ ନିଶ୍ୱାସ ନେଇପାରୁନଥିଲେ । ଅବସ୍ଥା ଏତେ ସଙ୍ଗୀନ ହୋଇଯାଇଥିଲା ଯେ, ଆଇସିୟୁରେ ଭର୍ତ୍ତି କରିବାକୁ ପଡିଥିଲା । ବିଭିନ୍ନ ପରୀକ୍ଷା ପରେ ତାଙ୍କ ରକ୍ତରେ ‘ନାଇସେରିଆ ମେନିନଜାଇଟିଡିସ’ ନାମକ ବ୍ୟାକଟେରିଆ ଥିବା ଜଣାପଡ଼ିଥିଲା।

ଡାକ୍ତରମାନେ କହିଥିଲେ ଯେ ପ୍ରାୟ ୧୦ଜଣଙ୍କ ମଧ୍ୟରୁ ଜଣଙ୍କ ନାକ ଓ ଗଳା ପଛପଟେ ଏହି ବ୍ୟାକଟେରିଆ ରହିଥାନ୍ତି। ବେଳେବେଳେ ଏହି ବ୍ୟାକଟେରିଆ ଶରୀରର ବିଭିନ୍ନ ଅଙ୍ଗପ୍ରତ୍ୟଙ୍ଗକୁ ଆକ୍ରମଣ କରି କିଛି ରୋଗ ସୃଷ୍ଟି କରନ୍ତି। ଛାତ୍ରଙ୍କ ଶରୀର ଭିତରେ ଏହି ସଂକ୍ରମଣ ପ୍ରବଳ ବେଗରେ ବ୍ୟାପିବାରୁ ଆମେ ତାଙ୍କ ରକ୍ତଚାପକୁ ନିୟନ୍ତ୍ରଣ କରିବା ପରେ ଛାତ୍ରଙ୍କ ହାତଗୋଡ କାଟିବାକୁ ବାଧ୍ୟ ହୋଇଥିଲୁ। ଏହି ଖବର ପ୍ରଚାର ହେବା ପରେ ନୁଡୁଲ୍ସ ପ୍ରତି ଭୟ ହୋଇଯାଇଛି । ବିଶେଷ କରି ବ୍ରିଟେନରେ ନୁଡୁଲ୍ସ ବିକ୍ରି କମି ଯାଇଛି ।

Powered by Froala Editor