ପଦ୍ମାଲକ୍ଷ୍ମୀ କେରଳର ପ୍ରଥମ କିନ୍ନର ଆଇନଜୀବୀ
କେରଳରେ ପ୍ରଥମ କରି ଜଣେ କିନ୍ନର ଆଇନଜୀବୀ ହୋଇଛନ୍ତି। ପଦ୍ମା ଲକ୍ଷ୍ମୀ ଆଇନଜୀବୀ ଭାବେ ମାନ୍ୟ ପାଇବା ସହ ରାଜ୍ୟ ବାର୍ କାଉନସିଲରେ ପଞ୍ଜୀକରଣ କରିଛନ୍ତି। କେରଳର ଶିଳ୍ପ ମନ୍ତ୍ରୀ ପି ରାଜୀବ ଇନଷ୍ଟାଗ୍ରାମରେ ପଦ୍ମାଙ୍କ ଗୋଟିଏ ଫଟୋ ପୋଷ୍ଟ କରି ତାଙ୍କୁ ଶୁଭେଚ୍ଛା ଜଣାଇଛନ୍ତି।
ମନ୍ତ୍ରୀ ରାଜୀବଙ୍କ ସୂଚନା ଅନୁଯାୟୀ, ୧୫ ଶହରୁ ଅଧିକ ଆଇନ ପାଠ୍ୟକ୍ରମରେ ଗ୍ରାଜୁଏଟ ଡିଗ୍ରି ହାସଲ କରିଥିବା ବ୍ୟକ୍ତିବିଶେଷ ବାର କାଉନସିଲରେ ପଞ୍ଜୀକରଣ କରିବା ପରେ ପ୍ରମାଣପତ୍ର ଦିଆଯାଇଛି। ସେମାନଙ୍କ ମଧ୍ୟରୁ ଜଣେ ହେଲେ ପଦ୍ମା ଲକ୍ଷ୍ମୀ। ରାଜୀବ ଲେଖିଛନ୍ତି,“ଜୀବନର ସବୁ ଘାତପ୍ରତିଘାତକୁ ଅତିକ୍ରମ କରି ପଦ୍ମା ଲକ୍ଷ୍ମୀ କେରଳର ପ୍ରଥମ ତୃତୀୟ ଲିଙ୍ଗ ଆଇନଜୀବୀ ଭାବେ ନିଜକୁ ପଞ୍ଜୀକରଣ କରାଇଛନ୍ତି। ଏଥିପାଇଁ ତାଙ୍କୁ ଶୁଭେଚ୍ଛା। ସବୁ କ୍ଷେତ୍ରରେ ପ୍ରଥମ ହେବା ବହୁତ କଷ୍ଟର ବିଷୟ। ଏହାକୁ ଇତିହାସ ସବୁବେଳେ ମନେ ରଖେ। ପଦ୍ମାଙ୍କ ସଫଳତା ଅନେକ ଟ୍ରାନ୍ସଜେଣ୍ଡରଙ୍କୁ ଆଇନଜୀବୀ କ୍ଷେତ୍ରରେ ପ୍ରବେଶ ପାଇଁ ପ୍ରେରଣା ଯୋଗାଇବ।”
Powered by Froala Editor
