ହେଲିକପ୍ଟର ଚିତା ଦୁର୍ଘଟଣାଗ୍ରସ୍ତ, ୨ ପାଇଲଟ ସହିଦ
ଭାରତୀୟ ସେନାର ହେଲିକପ୍ଟର ‘ଚିତା’ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ୨ ପାଇଲଟ ସହିଦ ହୋଇଛନ୍ତି। ସେମାଙ୍କ ମଧ୍ୟରୁ ଜଣେ ଲେଫନାଣ୍ଟ କର୍ନେଲ ର଼୍ୟାଙ୍କର ଅଧିକାରୀ(ପାଇଲଟ୍) ଥିବା ବେଳେ ଜଣେ ମେଜର ପଦର(ସହ ପାଇଲଟ) ଥିଲେ।
ଗୁରୁବାର ଅରୁଣାଚଳ ପ୍ରଦେଶର ମଣ୍ଡଳା ନିକଟରେ ଏହି ଦୁର୍ଘଟଣା ଘଟିଛି। ସକାଳ ପ୍ରାୟ ୯ଟା ୧୫ ବେଳେ ଏହି ଦୁର୍ଘଟଣା ଘଟିଛି। ହେଲିକପ୍ଟରଟି ଅରୁଣାଚଳ ପ୍ରଦେଶର ବୋମଡିଲାରୁ ଉଡ଼ାଣ ଭରିଥିଲା। ହେଲିକପ୍ଟରଟି ରୁଟିନ୍ ଅପରେଶନ ଲାଗି ସେଙ୍ଗେରୁ ଆସାମର ମିସାମାରି ଅଭିମୁଖେ ଯାଉଥିଲା।
୯ଟା ୧୫ରେ ଏୟାର ଟ୍ରାଫିକ କଣ୍ଟ୍ରୋଲ (ଏଟିସି) ସହିତ ଏହାର ଯୋଗାଯୋଗ ବିଚ୍ଛିନ୍ନ ହୋଇଥିଲା। ସୂଚନା ପାଇବା ପରେ ଭାରତୀୟ ସେନା, ଅରୁଣାଚଳ ପ୍ରଦେଶ ପୋଲିସ ଏବଂ ଅନ୍ୟାନ୍ୟ ସୂରକ୍ଷା ଏଜେନ୍ସି ପକ୍ଷରୁ ହେଲିକପ୍ଟରକୁ ଖୋଜିବା ଲାଗି ସର୍ଚ୍ଚ ଅପରେଶନ କରାଯାଇଥିଲା।
Powered by Froala Editor
