ଷ୍ଟାଗ୍ ବିଟଲ ଏକ କୀଟର ନାମ । ଏହି କୀଟ ଏମିତି ସେମିତି ନୁହେଁ । ଦୁନିଆର ସବୁଠୁ ମହଙ୍ଗା କୀଟ । ଏପରିକି ଏହାର ଦାମ ଏକ ବିଏମ୍‌ଡବ୍ଲ୍ୟୁ କାର୍ ଦାମ ଠୁ ବି ଅଧିକ । ଷ୍ଟାଗ ବିଟଲ୍ ଲୁକାନାଇଡା ପରିବାରର ଏକ ସଦସ୍ୟ, ଯାହାର ୧୨୦୦ ପ୍ରଜାତିର କୀଟ ଅଛି। ଏହାକୁ ପାଳିବା ପାଇଁ ଲୋକମାନେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରିବାକୁ ପ୍ରସ୍ତୁତ ଅଛନ୍ତି। ଏହି କୀଟ ଦେଖିବାକୁ ବହୁତ ଛୋଟ, କିନ୍ତୁ ଯଦି ଆପଣ ପାଇଯାଆନ୍ତି କୋଟିପତି ହୋଇଯିବେ। ଏହି ପୋକରୁ ଅନେକ ମହଙ୍ଗା ଔଷଧ ତିଆରି ହୋଇଥାଏ, ଯେଉଁ କାରଣରୁ ଏହାର ମୂଲ୍ୟ ଏତେ ଅଧିକ।

କୁହାଯାଏ, ଏହି ପୋକ ଏତେ ସୂକ୍ଷ୍ମ ଯେ ଅତ୍ୟଧିକ ଥଣ୍ଡାକୁ ସହ୍ୟ କରିପାରନ୍ତିନି। ଷ୍ଟାଗ୍ ବିଟଲ୍ ଲାର୍ଭା ପଚି ଯାଇଥିବା କାଠ ଖାଆନ୍ତି। ବୟସ୍କ ଷ୍ଟାଗ୍ ଫଳ ରସ, ଗଛର ରସ ଏବଂ ପାଣିରେ ବଞ୍ଚନ୍ତି। ଏମାନଙ୍କର ଜିଭ କମଳା ରଙ୍ଗର। ମୁଣ୍ଡରେ କଳା ଶିଙ୍ଗ ଅଛି। ସେଗୁଡ଼ିକ ପ୍ରାୟ ୫ରୁ ୧୦୦ ଇଞ୍ଚ ପର୍ଯ୍ୟନ୍ତ ହୋଇଥାଏ। ଷ୍ଟାଗ୍ ବିଟଲକୁ ବୟସ୍କ ହେବା ପାଇଁ ଅନେକ ସପ୍ତାହ ଲାଗେ। ବୟସ୍କ ହେବା ପରେ ଏମାନେ ମାତ୍ର କିଛି ମାସ ବଞ୍ଚନ୍ତି। 

କିଛି ବର୍ଷ ପୂର୍ବେ ଜଣେ ଜାପାନୀ ପ୍ରଜନକ ୮୯,୦୦୦ ଡଲାରରେ (ଆଜିର ମୂଲ୍ୟରେ ପ୍ରାୟ ୭୩ ଲକ୍ଷ ଟଙ୍କା) ଏକ ପୋକ ବିକ୍ରି କରିଥିଲେ। କୁହାଯାଏ, ଏହା ପୃଥିବୀରେ ଥିବା ସବୁଠାରୁ ଛୋଟ। ଅଦ୍ଭୁତ ଏବଂ ବିରଳ ପ୍ରଜାତି (ବିଚିତ୍ର ବ୍ୟୟବହୁଳ କୀଟ) ମଧ୍ୟରୁ ଅନ୍ୟତମ।

Powered by Froala Editor