ଆଫଗାନିସ୍ତାନରେ ତାଲିବାନ ସଂଗଠନ ଶାସନ ଭାର ସମ୍ଭାଳିବା ପରେ ଦେଶରେ ଖାଦ୍ୟ ସଂକଟ ଚରମସୀମାରେ ପହଞ୍ଚିଛି । ଓ୍ବାଲ୍ଡ ଫୁଡ୍ ପ୍ରୋଗ୍ରାମ ବା WFP ରିପୋର୍ଟ ଅନୁଯାୟୀ, ଆଫଗାନିସ୍ତାନକୁ କୁପୋଷଣ ଗ୍ରାସ କରିଛି। ୧୦ଲକ୍ଷରୁ ଅଧିକ ଶିଶୁ ଅପପୁଷ୍ଟିର ଶିକାର ହୋଇଛନ୍ତି । ପୂରା ଦେଶ ଖାଦ୍ୟ ସଂକଟର ସାମ୍ନା କରୁଛି । ୯୫ ପ୍ରତିଶତ ଲୋକଙ୍କ ପାଖରେ ଦୁଇ ମୁଠା ଖାଇବାକୁ ଖାଦ୍ୟ ନାହିଁ । ଭୋକକୁ ଚାପିବାକୁ ମା’ ପିଲାଙ୍କୁ ଡ୍ରଗ୍ସ ଦେବାକୁ ପଛଉନାହିଁ । ଖାଦ୍ୟ ପାଇଁ ଅଙ୍ଗ ବିକ୍ରି କରିବାକୁ ପଛଉନାହାନ୍ତି ଲୋକ । ଛୋଟ ଛୋଟ ଝିଅଙ୍କୁ ବିକ୍ରି କରିଯାଉଥିବା ଅଭିଯୋଗ ହୋଇଛି ।

ଅନ୍ତରାଷ୍ଟ୍ରୀୟ ସହାୟତା ଶେଷ ହୋଇଥିବାରୁ ଆଫଗାନିସ୍ତାନରେ ଖାଦ୍ୟ ସଂକଟ ଦେଖାଦେଇଛି । କ୍ଷୁଧା ଭୁଲି ଶୋଇବାକୁ ଛୋଟ ପିଲାଙ୍କୁ ନିଦ ମେଡିସିନ୍ ଦିଆଯାଉଛି । ଭୋକର ଜ୍ବାଳା ଅସହ୍ଯ ହେଉଥିବାରୁ ଲୋକମାନେ ନିଜ ଅଙ୍ଗ ବିକ୍ରି କରିବାକୁ ବି ପଛଉନାହାନ୍ତି । ଖାଦ୍ୟ ପାଇଁ ଛୋଟ ଛୋଟ ଝିଅ ବିକ୍ରି ହେଉଛନ୍ତି । ଏହା କେବଳ ଗୋଟିଏ କି ଦୁଇଟି ପରିବାରରେ ନୁହେଁ ବରଂ ଅଧିକାଂଶ ପରିବାରରେ ଏଭଳି ସ୍ଥିତି ଦେଖିବାକୁ ମିଳିଛି । ତାଲିବାନ ଶାସନ ସତ୍ତାକୁ ଆସିବାରେ ମହିଳା ଉପରେ ଅନେକ ପ୍ରତିବନ୍ଧକ ଲାଗିଛି । ରୋଜଗାର ନଥିବାରୁ ଖାଦ୍ୟାଭାବରେ ଛଟପଟ ହେଉଛନ୍ତି ଲୋକ । ଗରିବୀରୁ ବର୍ତ୍ତିବା ପାଇଁ ଛୋଟ ପିଲାଙ୍କୁ ବିକ୍ରି କରାଯାଉଛି ।

Powered by Froala Editor