ଚାଲାଣ ବେଳେ ୮୭ଟି କଇଁଛ ଉଦ୍ଧାର, ଜଣେ ଗିରଫ
ବାଲେଶ୍ୱର: ବାଲେଶ୍ୱର ରେମୁଣାରୁ ପଶ୍ଚିମବଙ୍ଗ ଚାଲାଣ ବେଳେ ଉଦ୍ଧାର ୮୭ଟି କଇଁଛ । ଜଳେଶ୍ୱର ବନ ବିଭାଗ ଏହି ଘଟଣାରେ ଜଣଙ୍କୁ ଗିରଫ କରିବା ସହ ଗୋଟିଏ ବାଇକ୍ ଜବତ କରିଛି।
ଆଜି କଇଁଛ ଚାଲାଣ ହେଉଥିବା ଖବର ପାଇ ସଜବାଜ ହୋଇଥିଲା ୬୦ ନମ୍ବର ଜାତୀୟ ରାଜପଥର ଚାଲନ୍ତି ଛକ ନିକଟରେ ଚେକିଂକୁ କଡ଼ାକଡ଼ି କରାଯାଇଥିଲା। ଏହି ସମୟରେ ପହଞ୍ଚିଥିବା ଏକ ଗାଡ଼ିକୁ ଚେକିଂ ବେଳେ ସେଥିରୁ ଯାହା ଦେଖିଲେ ସେଥିରେ ବନ କର୍ମଚାରୀଙ୍କ ଆଖି ଖୋସି ହୋଇଥିଲେ ଗାଡ଼ି ଡାଲାରେ ପୁଳା ପୁଳା କଇଁଛ ଥିବା ବେଳେ ସେମାନଙ୍କୁ ବାନ୍ଧି ବସ୍ତାରେ ପଶାଇ ନିଆଯାଉଥିଲା।
ବନ କର୍ମଚାରୀ ସମସ୍ତ କଇଁଛଙ୍କୁ ଉଦ୍ଧାର କରି ଗଣିବା ବେଳକୁ ୮୭ଟି କଇଁଛ ଥିବା ଜଣାପଡ଼ିଲା। ଏହି ଘଟଣାରେ ବନ ବିଭାଗ ଜଣଙ୍କୁ ଗିରଫ କରିଥିବା ବେଳେ ଆଉ ଜଣେ ଫେରାର ହୋଇଯାଇଛନ୍ତି। ପଚରାଉଚରା ବେଳେ କଇଁଛ ଗୁଡିକୁ କେଜିପ୍ରତି ୨୫୦ଟଙ୍କା ହିସାବରେ କିଣିଥିବା ବ୍ୟକ୍ତିଜଣକ ସୂଚନା ଦେଇଛନ୍ତି।
Powered by Froala Editor
