‘ଭାଗିରଥି-୩’ ବୋଟ୍ ରେ ନିଆଁ
ଚିଲିକା ମୁହାଣ ନିକଟ ସମୁଦ୍ରରେ ‘ଭାଗିରଥି-୩’ ମାଛଧରା ବୋଟ୍ ରେ ନିଆଁ ଲାଗିଥିବା ଖବର ମିଳିଛି । ତେବେ ବୋଟରେ ଥିବା ସମସ୍ତ ୯ ଜଣ ଯାକ ମତ୍ସ୍ୟଜୀବୀ ସୁରକ୍ଷିତ ଭାବେ ଉଦ୍ଧାର ହୋଇଥିବା ଜଣାପଡିଛି। ଇଞ୍ଜିନରେ ଥିବା ଟର୍ବୋ ସ୍ପାର୍କିଂରୁ ନିଆଁ ଲାଗିଥିବା ସୂଚନା ମିଳିଛି । ଲୋକନାଥ-୧, ମୁକ୍ତିମଣ୍ଡପ, ଶିବକୃପା ନାମକ ତିନୋଟି ମାଛ ଧରା ଟ୍ରଲର ସେମାନଙ୍କୁ ଉଦ୍ଧାର କରିଥିବା ବେଳେ ଆସନ୍ତାକାଲି ସେମାନେ ଆସି ପାରାଦୀପ ମାଛ ଧରା ବନ୍ଦରରେ ପହଞ୍ଚିବେ ବୋଲି ଜଣାପଡିଛି ।
କୂଳଠାରୁ ପ୍ରାୟ ୮୦ ନଟିକାଲ ମାଇଲ ଦୂରରେ ଘଟିଛି ଏହି ଅଘଟଣ । ପାରାଦୀପରୁ ଗଭୀର ସମୁଦ୍ରକୁ ମାଛ ଧରିବାକୁ ଯାଇଥିଲେ ଏହି ମତ୍ସ୍ୟଜୀବୀ।
ଗତକାଲି ସନ୍ଧ୍ୟାରେ ପାରାଦୀପରୁ ମାଛ ଧରିବାକୁ ଚନ୍ଦ୍ରଭାଗା ନିକଟ ସମୁଦ୍ରକୁ ଯାଇଥିବା ’ଶ୍ରୀ ଲକ୍ଷ୍ମୀନାରାୟ’ ନାମକ ଏକ ବୋଟରେ ବି ଅଗ୍ନିକାଣ୍ଡ ଘଟିଥିଲା। ବୋଟ୍ ସାଇଲେନ୍ସର ଫାଟିଯିବାରୁ ନିଆଁ ଲାଗି ବୋଟ୍ ଟି ପୂରା ଜଳି ଯାଇଥିଲା ।
Powered by Froala Editor
